Isaya 14:29 - Digo Bible

²⁹ Mwi Afilisti! Iyo fwimbo yokala inakupigani ikavundzika ela msihererwe. Mana kula pho chiphofwa nyoka phandatuluka bafwe naro rindavyala dzoka siru ra kuuruka renye sumu kali.

Isaya 14:29 ပူးပေါင်းရင်းမြစ်များ

2 Afalume 18:8

Waapiga Afilisti hadi mudzi wa Gaza na tsi iriyouzunguluka, kuandzira mudzi mdide urio na mnara wa arindzi hadi mudzi mkpwulu wenye ngome.

2 Nyakati 26:6

Wakati Uziya ariphokala ni mfalume waandza viha na Afilisti. Wakpwendabomola ukuta wa Gathi, wa Jabune na ukuta wa Ashidodi, chisha achidzenga midzi kuzunguluka Ashidodi na katika seemu zanjina za Filisti.

2 Nyakati 28:18

Afilisti nao ainjira midzi ya tsi ya kugbwa kanda-kanda ya myango ya Juda, na iriyo jangbwa ririro uphande wa mwakani mwa myango ya Juda, achihala na Bethi-Shemeshi, Aijaloni, Gederothi, Soko phamwenga na malaloge, Timuna phamwenga na malaloge, Gimuzo phamwenga na malaloge, nao achitsamira himo.

Misemo 24:17

Mvihao achifikpwa ni mai usihererwe, wala achikpwala usimtseke.

Isaya 11:14

Efuraimu na Juda andavamia chivyamwenga Afilisti ario mtswerero wa dzuwa wa Iziraeli na kuhala zewe mali za atu asagalao mlairo wa dzuwa wa muho Joridani. Andaaturya Aedomu, Amoabu na Aamoni andakala tsini yao.

Isaya 11:8

Mwana mtsanga andavumba kpwenye wina wa fira na mwanache mdide kutiya mkpwono pango ra bafwe na akale salama.

Isaya 14:31

Kotani kululu himo maryangoni! Rirani himo midzini! Afilisti mosi kakamani kpwa wuoga! Jeshi kulu riredza dza mosi munji kula vurini na tarina hata mutu mmwenga ambaye kaweza viha.

Isaya 2:6

Ukaricha atuo atu a nyumba ya Jakobo kpwa kukala analunga mila za atu a mlairo wa dzuwa; anapiga mburuga dza Afilisti na kugbwirana na atu asioamini kukala kuna Mlungu.

Isaya 30:6

Higa ni maneno kuhusu nyama a tsakani ario tsi ya kugbwa, mwakani mwa Juda: Ahumwa enu nkutsupira tsi ya tabu na ziki tsi ambayo nkutuluka simba achetu na simba alume, mabafwe na nyoka siru za kuuruka. Nkutsukula mali zao dzulu ya punda na ngamia akaziphirika kpwa atu asioweza kuterya,

Jeremia 47:1

Hivi ndivyo Mwenyezi Mlungu arivyomuambira nabii Jeremia kuhusu Afilisti kabila Farao kadzangbwevamia Gaza.

Sonono za Jeremia 2:17

Mwenyezi Mlungu akahenda ariropanga, akatimiza nenore dza arivyorigomba pho kare, akakubwaga bila mbazi akamuhenda aduio ahererwe, na kuapha nguma masujaa a avihao.

Ezekieli 25:15

“ ‘Mwenyezi Mlungu anaamba hivi: Kpwa kukala Afilisti ahenda mambo na chisasi, ariphiza Juda chijaili, na achiyiangamiza kpwa uadui wa kare,

Ezekieli 26:2

“Mwanadamu, kpwa sababu Tiro yafwahirwa ichiamba hivi kuhusu Jerusalemu, ‘Ryango ra mataifa rikavundzika, na miryangoye ikanivugukira. Kpwa vira Jerusalemu ikakala gandzo ndaongokerwa,’

Ezekieli 35:15

Dza urivyohererwa wakati Iziraeli iriphohendwa wekee bila atu, ndivyo ndivyokuhendera uwe. Uwe undakala wekee, uwe mwango Seiri na tsi yosi ya Edomu. Phahi atu andamanya kukala mimi, ndimi Mwenyezi Mlungu.’ ”

Hosea 9:1

Mwi Aiziraeli musihererwe, musitine-tine kpwa raha dza atu a mataifa ganjina asiomanya Mlungu. Mwimwi simwi aaminifu kpwa Mlungu wenu, munamendza maripho ga umalaya kahi za mwatu mwa kuwagira.

Joeli 3:4

“Mu ano ani kpwangu mwi atu a Tiro na Sidoni na seemu zosi za Filisti? Dze, mnalonda mniriphize? Ichikala mnalonda mniriphize, phahi hivyo mlondavyo kuvihenda nindakuuyizirani enye tsona haraka sana.

Amosi 1:6

Mwenyezi Mlungu anaamba, “Kpwa sababu atu a Gaza akahenda dambi vivyo kpwa vivyo, ni niatiye adabu. Ahala mateka malalo mazima-mazima, na atue achiaguza dza atumwa kpwa Aedomu.

Amosi 1:8

Nindausa mfalume wa Ashidodi, na ye agbwiraye fwimbo ya utawala ko Ashikeloni. Nindagolosa mkpwono wangu nipige Ekironi, na nyo Afilisti asereo andaangamika,” Mwenyezi Mlungu anaamba.

Obadiya 1:12

Msingeonato wakati ndugu zenu kala a mashakani. Msingehererwa wakati mudzi wao unaangamizwa. Mwahenda makosa kpwa kutseka ndugu zenu siku ya mashaka gao.

Mika 7:8

Usihererwe uwe adui wangu! Dzagbwe nkagbwa ndaunuka tsona, dzagbwe nsegere jizani, Mwenyezi Mlungu andakala mwanga wangu.

Zefania 2:4

Mudzi wa Gaza undarichwa, wa Ashikeloni undakala gandzo. Atu a Ashidodi nao andazolwa mutsi wenye, na atu a Ekironi andauswa kpwenye mudzi wao.

Zefania 2:5

Shaka hiro mwi atu kula Kerethi msagalao pwani kulunga-lunga bahari. Neno ra Mwenyezi Mlungu ri chinyumecho uwe Kanani, yani tsi ya Afilisti. Ndakuangamiza na taphana hata mutu ndiyesala kpwenye tsiiyo.

Zefania 3:11

Siku iyo ichifika uwe Jerusalemu kundakala na waibu kpwa vira urivyoniasi. Mana ndaausa osi ambao anadzikarya na kudziunula, na taphana ndiyedzikarya hipho dzulu ya mwango wangu mtakatifu.

Zakariya 9:5

Atu a mudzi wa Ashikeloni andaona gago na aogophe; Atu a mudzi wa Gaza andagalagala kpwa utsungu, na atu a mudzi wa Ekironi piya andagalagala kpwa utsungu kpwa kukala kuluphiro rao rikaangamika. Mfalume wa Gaza andaolagbwa, na Ashikeloni taindasagalwa ni mutu.

Isabu 21:8

Mwenyezi Mlungu achigomba na Musa achimuamba, “Tengeza nyoka ya shaba na uigbwadzike dzulu ya chatsi. Mutu yeyesi ndiyeondzwa ni nyoka, achilola yo nyoka ya shaba, andakala moyo.”

Joshuwa 13:3

yani seemu imanyikanayo kama ya Akanani, kuandzira chidzuho cha Shihori chiricho mphaka wa Misiri hadi seemu za Ekironi iriyo uphande wa vurini. Maeneo gosi ga atawala atsano a Afilisti: Gaza, Ashidodi, Ashikeloni, Gathi na Ekironi phamwenga na eneo ra Aavi,