Isaya 11:14 - Digo Bible

¹⁴ Efuraimu na Juda andavamia chivyamwenga Afilisti ario mtswerero wa dzuwa wa Iziraeli na kuhala zewe mali za atu asagalao mlairo wa dzuwa wa muho Joridani. Andaaturya Aedomu, Amoabu na Aamoni andakala tsini yao.

Isaya 11:14 ပူးပေါင်းရင်းမြစ်များ

Isaya 14:29

Mwi Afilisti! Iyo fwimbo yokala inakupigani ikavundzika ela msihererwe. Mana kula pho chiphofwa nyoka phandatuluka bafwe naro rindavyala dzoka siru ra kuuruka renye sumu kali.

Isaya 15:1

Huno ni ujumbe kuhusu Moabu: Moabu ikasira, mana mudzi wa Ari ukaangamizwa usiku mmwenga. Moabu ikasira, mana mudzi wa Kiri ukaangamizwa usiku mmwenga.

Isaya 16:14

Ela hivi sambi Mwenyezi Mlungu anaamba, “Bada ya miaka mihahu, utajiri wa Moabu undaangamika phamwenga na atue osi. Na ndiotiya andakala achache sana, tsona anyonje.”

Isaya 25:10

Mana uwezo wa Mwenyezi Mlungu undahurira kpwenye mwango uhu, naye andavyoga-vyoga atu a Moabu dza mabuwa gavyogbwavyo kpwenye chitole gakarichwa gaole.

Isaya 33:1

Shaka hiro uwe uriyebananga atu angu, kala kudzangbwebanangbwa, ela vivi undabanangbwa. Shaka hiro uwe uriyesalata atu angu, kala kudzangbwesalatwa, ela vivi undasalatwa. Ndiphomala kubananga na kusalata nawe undabanangbwa na usalatwe.

Isaya 59:19

Phahi atu andariogopha dzina ra Mwenyezi Mlungu, na kuishimu ngumaye, kula mlairo wa dzuwa hadi mtswerero wa dzuwa, mana andakpwedza dza madzi ga mafuriko gachigovuvurirwa ni Mwenyezi Mlungu.

Isaya 60:14

Ana alume a nyo ariokugayisa andakpwedza phako maguluni akusujudiye, osi ariokubera andakugbwerera maguluni, nao andakuiha “Mudzi wa Mwenyezi Mlungu, Sayuni, mudzi wa Mtakatifu wa Iziraeli.”

Isaya 63:1

Ni ani yuno edzaye kula Edomu alaye Bosira, ambaye mavwazige gana mabara ga kundu? Ni ani yuno achiyevwala mavwazi ga nguma, anyendekaye kpwa nguvu? “Ni mimi nigombaye haki, mwenye nguvu za kutivya.”

Isaya 9:12

Wahuma Aaramu kula mlairo wa dzuwa na Afilisti kula mtswerero wa dzuwa achedzashambuliya Iziraeli na kuimiza yosi, na bado Mwenyezi Mlungu achere na tsukizi, na andaenderera kuitiya adabu Iziraeli.

Jeremia 40:11

Vivyo hivyo, Ayahudi ariokala Moabu, Amoni, Edomu na tsi zosi ariphosikira kukala mfalume wa Babeli kala akaricha atu ko Juda na achitsambula Gedalia mwana wa Ahikamu mdzukulu wa Shafani, akale mtawala wao,

Jeremia 48:40

Mana Mwenyezi Mlungu anaamba: “Lola, taifa mwenga riredza mairo dza kozi, redze rifwinike Moabu na maphage.

Jeremia 49:2

Ela siku ziredza, Mwenyezi Mlungu anaamba, ambapho ndahenda sauti ya viha isikirike chinyume cha Raba ya Aamoni. Raba indakala gandzo, na vidzidzivye vindaochwa. Chisha Iziraeli indahala tsiiye kula kpwa hara ariokala akaafuta. Mimi Mwenyezi Mlungu nkaamba.

Jeremia 49:22

Lola, mmwenga andapanda na kuuruka dza kozi, na kuandzula maphage dzulu ya Bosira. Siku iyo mioyo ya anajeshi a Edomu indakala dza moyo wa mchetu ariye na utsungu wa kudzivugula.”

Jeremia 49:28

Kuhusu Kedari na falume za Hazori ambazo zabomolwa ni Nebukadineza, mfalume wa Babeli, Mwenyezi Mlungu anaamba, “Unuka ukaupige mudzi wa Kedari! Ukaangamize atu a mlairo wa dzuwa!

Ezekieli 25:14

Ndahumira atu a Iziraeli kuriphiza Edomu chisasi na kuko andahenda kulengana na tsukizi zangu nyinji, nao andamanya mimi ndimi nriphizaye chisasi, Mwenyezi Mlungu anaamba.

Danieli 11:41

Andavamia hata yo tsi nono ya Iziraeli na atu anji andafwa, ela Edomu, Moabu na vilongozi a Aamoni andativywa kula mwakpwe mikononi.

Joeli 3:19

Misiri indakala gandzo na Edomu indakala jangbwa huphu, kpwa sababu atu aho aahendera mai atu a Juda, mana aolaga atu a asiokala na makosa kpwenye tsi yao.

Amosi 9:12

ili Aiziraeli amiliki seemu ya tsi ya Edomu iriyosala na atu osi asio kala Ayahudi aihwao kpwa dzina rangu,” Mwenyezi Mlungu andahenda gaga anaamba.

Habakuki 1:8

Farasi aho ana mairo kuriko tsui, tsona ni asiru kuriko mabawa. Dzagbwe anajeshi aho akuhumira farasi ala kure, nkuphiya mairo dza nderi aonapho nyama wa kurya.

Zefania 2:5

Shaka hiro mwi atu kula Kerethi msagalao pwani kulunga-lunga bahari. Neno ra Mwenyezi Mlungu ri chinyumecho uwe Kanani, yani tsi ya Afilisti. Ndakuangamiza na taphana hata mutu ndiyesala kpwenye tsiiyo.

Zefania 2:7

Yo tsi ya pwani indakala ya atu a Juda ndiosala, na kuko andaphaha marisa. Dziloni andakpwedza aoye kpwenye nyumba zorichwa hiko Ashikeloni, mana Mwenyezi Mlungu, Mlungu wao andaamanyirira, na aauyizire hali nono ariyokala nayo pho mwandzo.

Zefania 2:9

Kpwa hivyo, mimi Mwenyezi Mlungu, Mlungu wa majeshi naamba, kpwa kpweli dza niishivyo, mimi Mlungu wa Iziraeli, naapa kukala Moabu indakala dza Sodoma na Amoni indakala dza Gomora. Tsi hizo zindamera mihi ya miya na madibwa ga munyu, na zindakala tuphu hata kare na kare. Atu angu ndiosala andaziteka tsi zao, atu a taifa rangu ndiosala andazihala zikale urisi wao.”

Isabu 24:17

Nrigoona kpwenye ruwiya tagadzangbwetimiya. Ela siku mwenga kundatsembuka mfalume dza nyenyezi, kula kpwa Jakobo, fwimbo ya utawala hiko Iziraeli. Iye andakuolagani mwimwi Amoabu, na kuangamiza atu osi a Sethi.

Mathayo 8:11

Nakuambirani kukala atu anji kula mlairo wa dzuwa na mtswerero wa dzuwa andakpwedza karamuni phamwenga na Burahimu, Isaka na Jakobo kpwenye ufalume wa Mlungu.

Aamuli 6:3

Mana kano nyinji Aiziraeli ariphophanda mwao mindani, Amidiani, Aamaleki na atu kula mlairo wa dzuwa kala achiambuka kpwendaashambuliya.