Isabu 20:20 - Digo Bible

²⁰ Ela ye mfalume wa Edomu achiajibu achiamba, “Tahundakuruhusuni bii.” Phahi jeshi kulu ra Aedomu renye mkpwotse richituluka kpwedzapigana na Aiziraeli.

Isabu 20:20 ပူးပေါင်းရင်းမြစ်များ

Mwandzo 27:41

Phahi, Esau wamzira Jakobo kpwa sababu ya baraka ambazo ise kala akamjaliya. Achidziamba mwakpwe moyoni, “Baba a phephi na kufwa, badaye nindamuolaga mwenehu Jakobo.”

Mwandzo 32:6

Hara ahumwa ariphouya kpwa Jakobo, amuamba, “Hwafika kpwa mwenenu Esau na vivi a njirani aredza mkutane; aredza na alume magana mane.”

Zaburi 120:7

Mino ni mutu wa amani, ela nchigomba kuhusu amani nyo nkulonda viha.

Amosi 1:11

Mwenyezi Mlungu anaamba, “Kpwa sababu atu a Edomu akahenda dambi vivyo kpwa vivyo, ni niatiye adabu. Aho azoresa adugu ao, Aiziraeli na achiaolaga kpwa upanga bila mbazi. Tsukizi zao zaenderera kuaka hata kare na kare.

Isabu 20:18

Ela mfalume wa Edomu achimjibu achiamba, “Mwimwi msitsupe na himu, na mchijeza tu, hundatuluka hukushambuliyeni na upanga.”

Isabu 20:21

Kpwa kukala Aedomu aakahaza Aiziraeli kutsupa kahi ya tsi yao, Aiziraeli agaluka na achihumira njira yanjina.

Aamuli 11:17

Hipho Kadeshi, ahuma ahumwa akavoye ruhusa kpwa mfalume wa Edomu achiamba, ‘Huruhusu hutsapire tsiiyo,’ ela mfalume wa Edomu achirema. Piya mfalume wa Moabu wahumirwa ujumbe uho ela piya naye achirema. Kpwa hivyo Aiziraeli achisala ko Kadeshi.

Aamuli 11:20

Ela Sihoni kayaamini Aiziraeli kutsupira tsiiye, kpwa hivyo wakusanya majeshige gosi achichita kambi hiko Jahaza na achipigana na Aiziraeli.