Isabu 13:22 - Digo Bible

²² Aho aambuka kutsupira uphande wa mwakani wa tsi ya Kanani hadi achifika Heburoni, phatu phariphosagala atu a chivyazi cha Anaki yani Ahimani, Sheshai na Talimai. (Mudzi wa Heburoni kala ukadzengbwa miaka sabaa kabila mudzi wa Soani kudzengbwa ko Misiri.)

Isabu 13:22 ပူးပေါင်းရင်းမြစ်များ

Mwandzo 13:18

Phahi Buramu wangʼola mahemage na achitsama, achendasagala phephi na mihi ya mialoni ya Mamre, iriyo Heburoni, na phapho achimdzengera Mwenyezi Mlungu phatu pha kumlavira sadaka.

2 Samueli 2:1

Siku chache bada ya higo kuhendeka, Daudi wauza Mwenyezi Mlungu achiamba, “Dze, niambuke kuphiya mudzi mmwengawapho wa Juda?” Mwenyezi Mlungu achimuamba, “Ambuka!” Daudi achiuza, “Niambuke kuphiya mudzi uphi?” Mwenyezi Mlungu achiamba, “Phiya Heburoni.”

2 Samueli 2:11

Muda ambao Daudi watawala Juda hiko Heburoni kala ni miaka sabaa na miezi sita.

2 Samueli 21:16

Ishibi-Benobu mutu ariyekala mmwengawapho wa chivyazi cha Arafa, yekala na fumo ra shaba rokala na uziho wa kilo tahu na nusu, na kala akadzifunga upanga muphya, naye wajeza kumuolaga Daudi.

Zaburi 78:12

Mlungu wahenda vilinje mbere za akare ao, hiko tsi ya Misiri, seemu za Soani.

Zaburi 78:43

ariphohenda isharaze ko Misiri na mahendoge ga ajabu hiko seemu ya Soani.

Isaya 19:11

Akulu a Soani ni azuzu sana! Ashauri enye ikima a Misiri analavya ushauri wa chizuzu! Anawezadze kumuambira Farao kukala aho ni chivyazi cha atu enye ikima, na ni ana a afalume a kare?

Isaya 19:13

Akulu a Soani akakala azuzu na atawala a Memufisi anadziphuphiza. Vilongozi a mbarize aihenda Misiri ikosere njira.

Isaya 30:4

Mana dzagbwe akulue a hiko Soani na ahumwae akafika Hanesi,

Isabu 13:17

Musa ariphoahuma nyo atu kpwendaipeleleza tsi ya Kanani, waambira, “Ambukani kutsupira uphande wa mwakani wa tsi ya Kanani na mphiye uphande wa vurini kuriko na vidzango.

Isabu 13:28

Ela nyo atu asagalao kuko ana mkpwotse na yo midzi yao ni mikulu na yadzengerwa ngome. Phamwenga na gago huchiona atu a chivyazi cha Anaki.

Isabu 13:33

Chisha hwaona madzitu kuko, yani Anefili (atu a chivyazi cha Anaki ala kpwa Anefili). Huchidziona avi hu mabandzi mbere zao, nao ndivyo arivyohuona.”

Kumbukumbu 9:2

Atu enye ni are na enye mkpwotse, yani Aanaki. Atu ambao munaamanya na mwasikira atu anaamba hivi kuahusu: ‘Ni ani ndiye subutu kupigana na Aanaki?’

Joshuwa 10:36

Chisha Joshuwa phamwenga na Aiziraeli osi auka Egiloni achiphiya mudzi wa Heburoni achendaushambuliya,

Joshuwa 21:13

Kpwa hivyo chivyazi cha Aruni mlavyadzi-sadaka ahewa Heburoni (mudzi wa kuchimbirira kpwa mutu achiyeolaga) phamwenga na weruwe wa kurisa, Libuna phamwenga na weruwe wa kurisa,

Aamuli 1:10

Piya ashambuliya Akanani ariosagala mudzi wa Heburoni ambao hipho mwandzo kala uchiihwa Kiriathi-ariba, achishinda makabila ga Sheshai, Ahimani na Talimai.

1 Samueli 30:31

Heburoni na seemu zanjina zosi ambazo Daudi na atue kala akazitsupira-tsupira.