Habakuki 2:7 - Digo Bible

⁷ Gafula adenio andakuunukira akuhende ukakame kpwa wuoga. Nao andakuhala kpwa nguvu phamwenga na vituvyo.

Habakuki 2:7 ပူးပေါင်းရင်းမြစ်များ

Misemo 29:1

Mutu aonywaye kano nyinji na ahende likakado, andavundzwa gafula bila ya kupona.

Muhubiri 10:8

Atsimbaye dibwa anaweza kuvoromoka mumo ye mwenye, na abomolaye ukuta anaweza kuondzwa ni nyoka.

Isaya 11:13

Efuraimu andaricha kuonera wivu Juda maadui ga Juda gandaangamizwa na Juda andaricha kuonera Efuraimu.

Isaya 41:25

Nátsambula mutu asagalaye uphande wa vurini, naye andakpwedza na njira ya mlairo wa dzuwa, iye andaiha dzina rangu. Andaavyoga-vyoga afalume dza ulongo, au dza mfinyangi anavyotiga-tiga ulongo.

Isaya 46:11

Náiha mutu kula tsi ya mlairo wa dzuwa, iye andakpwedza dza kozi na atimize gara nrigopanga. Nkagagomba, nami ndagatimiza, nikagakusudiya nami ndagahenda.

Isaya 47:11

Kpwa sababu iyo undaphahwa ni mafwa, nawe kundamanya ugausedze. Undaphaha hasara ambayo kundaweza kuyiepuka. Na ubanangi undakpwedzera gafula, ambao uwe kuutarajiya.

Jeremia 51:11

Nolani yo mivi, Halani zo ngao! Mwenyezi Mlungu akaafyakatsira roho nyo afalume a Medi, mana lengore ni kuangamiza Babeli. Mwenyezi Mlungu andariphiza chisasi, chisasi kpwa ajili ya nyumbaye ya kuvoya.

Jeremia 51:57

Nindaalewesa vilongozie na atue enye ikima, maliwalie, akulue a jeshi na anajeshie; andalala tsetsetse na taandalamuka, mfalume anaamba, ambaye dzinare ni Mwenyezi Mlungu, Mlungu wa majeshi.”

Jeremia 8:17

Mwenyezi Mlungu anaamba, “Lolani, nakuhumirani nyoka kahi yenu, tsakapala mwenye sumu isiyolagulika, nao andakuondzani.”

1 Athesalonike 5:3

Atu achikala anaamba, “Chila chitu chi sawa na salama,” hipho ndipho ndiphogbwererwa ni mashaka. Nago gandahendeka gafula dza viratu mayo akalavyo na utsungu ichikala mwana a phephi na kuvyalwa. Kpwa hivyo taindawezekana mutu kuchimbira mashaka higa.