Ezekieli 7:22 - Digo Bible

²² Sindalola go magaidi, wakati ndiphoinjira na kunajisi phatu phangu pha mana.

Ezekieli 7:22 ပူးပေါင်းရင်းမြစ်များ

Zaburi 10:11

Mui nkudziambira mwakpwe rohoni, “Mlungu akayala akaloza usowe kanda, kaona chitu.

Zaburi 35:22

Ela uwe Mwenyezi Mlungu ukariona dzambo hiro usinyamale ee Mwenyezi Mlungu, usikale kure nami.

Jeremia 18:17

Nindaatsamula mbere za maadui gao dza phuto kula mlairo wa dzuwa. Siku iyo ndaalozera kogo, taandaona uso wangu siku iyo ya mashaka.” ’ ”

Jeremia 19:13

Nyumba za Jerusalemu na madzumba ga afalume a Juda, yani nyumba zosi ambazo dzuluye atu afukizira uvumba vitu vyosi virivyo dzulu mlunguni na kumwaga sadaka za uchi milungu yanjina, vyosi vindakala najisi dza Tofethi.”

Jeremia 19:4

Mana nyo atu akaniricha na kunajisi phatu hipha kpwa kufukizira uvumba milungu yanjina ambayo nyo enye, akare aho wala afalume a Juda taimanya. Piya akaphaodzaza phatu hipha na mlatso wa atu asio na makosa.

Ezekieli 24:21

Aambire Aiziraeli, ‘Mwenyezi Mlungu anaamba hivi: Lola, ni phephi kuphanajisi phatu phangu phatakatifu ambapho phana kuhendani mdzikarye, phatu ambapho munaphamendza na phana hamira matso genu. Chisha ana enu a chilume na a chichetu ariorichwa andaolagbwa na upanga.