Ezekieli 38:5 - Digo Bible

⁵ Anajeshi a Pashia, Kushi na Puti a phamwenga nao, chila mmwenga ana ngao na kofiya ya chuma.

Ezekieli 38:5 ပူးပေါင်းရင်းမြစ်များ

Mwandzo 10:6

Ana alume a Hamu kala ni Kushi, Misiri, Puti na Kanani.

Mwandzo 10:8

Kushi wavyala Nimurodi. Nimurodi wakala sujaa mkpwulu wa kpwandza duniani. Iye wakala ni muindza mkpwulu mbere za Mwenyezi Mlungu, ndiyo mana atu nkuamba, “Mutu yuyu ni dza Nimurodi, yemuindza mkpwulu mbere za Mwenyezi Mlungu.”

1 Nyakati 1:8

Ana alume a Hamu kala ni Kushi, Misiri, Puti na Kanani.

2 Nyakati 36:20

Hara ambao atiya upanga waateka achiphiya nao Babeli, achendakala atumwa a mfalume na a anae hadi uriphomenya utawala wa Pashia.

Ezira 1:1

Mwaka wa kpwandza wa utawala wa mfalume Koreshi wa Pashia, Mwenyezi Mlungu wamuhenda Koreshi mfalume wa Pashia aandike tangazo na ritangazwe kahi za ufalumewe wosi, ili neno ra Mwenyezi Mlungu rogombwa ni nabii Jeremia ritimiye. Tangazo renye kala rinaamba,

Ezekieli 27:10

“ ‘Atu a Pashia, Ludi na Puti ahumika dza asikari mwako jeshini. Aho agbwadzika ngao na kofiya za chuma mwako kutani, nao achionyesa unonoo.

Ezekieli 30:4

Misiri indalokerwa ni upanga, na Kushi indatishirwa anji andaolagbwa ko Misiri, na utajiriwe undahalwa na misingiye indabomolwa-bomolwa.

Ezekieli 30:5

“ ‘Anajeshi a kukodishwa kula Kushi, Puti, Ludi, Arabiya yosi, Libiya na hata atu a tsi ya chilagane changu andaolagbwa na upanga phamwenga na Amisiri.

Danieli 8:20

Ro turume renye pembe mbiri uchiroriona, ni ufalume wa Medi na ufalume wa Pashia.

Nahumu 3:9

Nguvu za Thebesi kala ni Kushi na Misiri tsi zoipha nguvu zisizosira. Msada wa Thebesi kala ula Puti na Libiya.