Ezekieli 38:13 - Digo Bible

¹³ Ahendadzi-bishara kula Sheba, Dedani na Tarishishi phamwenga na anajeshi sujaa andakuambani, “Mkedza hala zewe? Mukakusanya anajeshi sujaa mwedze mtsukule feza na zahabu, muhale mifugo, yani muhale vitu vinji zewe?” ’

Ezekieli 38:13 ပူးပေါင်းရင်းမြစ်များ

Zaburi 57:4

Nkazungulukpwa ni simba aroho, a kurya atu, meno gao avi ni mikuki na mivi, ndimi zao avi ni panga kali.

Isaya 10:6

Nkaahuma akapige atu asiomendza Mlungu, akashambuliye atu anitsukizao, ahale zewe na kutsukula vitu, na naavyoge-vyoge barabarani dza matope.”

Isaya 33:23

Kowa zenu zikarejera, taziweza kudinisa mlingoti, ama kubumula tangare. Chisha zewe nyinji zindaganywa, hata virema piya aphahe.

Jeremia 15:13

“Utajiri wenu na akiba zenu ndazilavya zewe. Ndazilavya bure kpwa sababu ya dambi zenu chila phatu kahi ya tsi yenu.

Jeremia 50:17

“Atu a Iziraeli ni dza mangʼondzi gachigoondoswa ni simba. Wa mwandzo kuavamia kala ni mfalume wa Ashuru, na wa mwisho kuvundza mifupha yao ni Nebukadineza, mfalume wa Babeli.

Jeremia 51:38

Atue osi ananguruma dza simba, ananguruma dza ana simba.

Ezekieli 25:13

phahi Mwenyezi Mlungu anaamba hivi: Nindagolosa mkpwono wangu chinyume cha Edomu na niolage atue na nyama ao, na niihende ikale wekee bila atu. Kula Temani hadi Dedani atu andaolagbwa na upanga.

Ezekieli 27:12

“ ‘Tarishishi yahenda bishara nawe kpwa sababu ya utajirio munji wa vitu. Aho akupha feza, chuma, bamba na aina ya chuma chiihwacho risasi nawe uchiapha vitu urivyokala navyo.

Ezekieli 27:15

Wahenda bishara na atu a Dedani. Tsi nyinji za pwani zakala agulio, aho akurehera pembe za ndzovu na mphingo dza maripho.

Ezekieli 27:20

Dedani wahenda bishara nawe kpwa vitu vya kuhandikira dzulu ya farasi au punda.

Ezekieli 27:25

Meli za Tarishishi zahumirwa kukutsukurira vituvyo. Uwe u dza meli iriyoodzazwa mizigo minji ko kahi-kahi ya bahari.

Ezekieli 32:2

“Mwanadamu, mwimbire wira wa sonono Farao, mfalume wa Misiri na umuambe, ‘Uwe unadziona avi u simba kahi za mataifa, ela uwe u dza dzinyama mo madzini, unapiga-piga madzi mo mwako vidzuhoni, unatibula go madzi na magulugo, na unaihenda yo myuho ikale matope.

Joeli 3:8

Ndaaguza ana enu a chilume na a chichetu, niatiye mikononi mwa atu a Juda nao andaaguza kpwa atu a Sheba, taifa ambaro ri kure sana,” Mwenyezi Mlungu ndiye achiyegomba higa.

Zakariya 11:3

Phundzani cho chiriro cha arisa a atu mana marisa gao manono gakabanangbwa! Phundzani vyo simba angurumavyo, mana vitsaka virivyo kanda-kanda ya muho Joridani vikabanangbwa!