Ezekieli 32:2 - Digo Bible

² “Mwanadamu, mwimbire wira wa sonono Farao, mfalume wa Misiri na umuambe, ‘Uwe unadziona avi u simba kahi za mataifa, ela uwe u dza dzinyama mo madzini, unapiga-piga madzi mo mwako vidzuhoni, unatibula go madzi na magulugo, na unaihenda yo myuho ikale matope.

Ezekieli 32:2 ပူးပေါင်းရင်းမြစ်များ

Mwandzo 49:9

Juda, u dza simba makamo ambaye achimala kurya nyamawe, nikuuya phakpwe alalapho. Ukudziambalaza photsi dza simba. U dza simba marara, takuna awezaye kukuondosa.

Ayubu 41:23

Nyama za mwiriwe zikagbwirana ngingingi, nazo taziweza kuuswa.

Ayubu 7:12

Mino kale ni yo bahari, au ni dzinyama ra baharini, hata uniikire mrindzi?

Misemo 25:26

Mwenye haki achikubali kulunga mambo ga mutu mui, ni dza madzi ga chidzuho gachigovurugbwa au ga chisima gachigochafuliwa.

Misemo 28:15

Viratu simba angurumavyo au dubu ashambuliyavyo, ndivyo ahendavyo mutu mui anaphotawala achiya.

Misemo 30:30

Simba, ambaye ni hodari kuriko nyama osi wala katishirwa ni yeyesi.

Isaya 27:1

Siku iyo Mwenyezi Mlungu andahumira upangawe uryao, mkpwulu na wa nguvu, kumtiya adabu nyoka aihwaye Leviathani, nyoka iye aambalaye upesi. Naye andariolaga rira dzoka rikalaro baharini.

Isaya 51:9

Lamuka, uwe Mwenyezi Mlungu uhuterye. Humira uwezoo uhuokole, uuhumire dza urivyouhumira pho kare. Dze, siwe uriyekata ro dzoka ra Naili riihwaro Rahabu?

Jeremia 4:7

Simba akatuluka kula phakpwe tsakani, mʼbanangi wa mataifa ganjina akatuluka, akatuluka phatuphe aihende tsi yenu ikale bila chitu midzi yenu indakala magandzo gasigosagala atu.

Jeremia 46:7

“Ni ani yuno adziunulaye dza muho Naili, dza myuho ambayo madzige gana maimbi?

Jeremia 46:8

Misiri ni dza muho Naili uriofurika, dza myuho ambayo madzige gana maimbi. Iye waamba, ‘Mimi ndadziunula, nindaifwinika dunia, nindabomola midzi na akalao mumo.’

Jeremia 9:18

Naahende wangbwi edze ahusononekere ili matso gehu gatuluze matsozi na madzi gandatuluka kula mwehu matsoni.

Ezekieli 26:17

Nao andakuimbira wira wa sonono na akuambe: Ikakaladze ukabanangika, uriyekala mtawala wa bahari uwe mudzi uriyetogolwa, uriyekala na uwezo ko baharini, uwe na nyo asagalao mumo waahenda asagalao pwani asumbwe ni miri.

Ezekieli 27:2

“Uwe mwanadamu, imbira Tiro wira wa sonono.

Ezekieli 27:32

Phahi wakati anakuririra andatunga wira wa sonono nao andakusononekera: “Ni ani ariyesiswa dza Tiro kahi-kahi ya bahari?”

Ezekieli 28:12

“Mwanadamu, imba wira wa sonono kuhusu mfalume wa Tiro, umuambire, ‘Mwenyezi Mlungu anaamba hivi: Uwe kala u mfwano wa ukamilifu, mwenye ikima nyinji na mnono takuna.

Ezekieli 29:15

Undakala ni ufalume wa tsini kuriko falume zosi. Nami ndaahenda akale achache chiasi cha kukala taandatawala mataifa ganjina.

Ezekieli 29:3

Gomba naye uambe, ‘Mwenyezi Mlungu anaamba hivi: Lola mimi ni chinyumecho, uwe Farao, mfalume wa Misiri, uwe dzoka kulu uambalalaye kahi ya vidzuhovyo, unaamba, “Muho Naili ni wangu nadzitengezera mwenye.”

Ezekieli 32:16

“Uhu ndio wira wa sonono ambao andamuimba. Achetu a mataifa ganjina andaimba Misiri na jeshire kulu, mimi Mwenyezi Mlungu nkaamba.”

Ezekieli 32:18

“Mwanadamu, ririra ro jeshi kulu ra Misiri na uatsereze mbirani phamwenga na atu a mataifa ga nguvu.

Ezekieli 34:18

Kpwani tavitosha vyo vya kurya mjina mnono? Kpwa nini muvyoge-vyoge zo nyasi zanjina? Kpwani tavitosha mwi kunwa madzi manono? Kpwa nini mgatibule kpwa kugavyoga-vyoga?

Ezekieli 38:13

Ahendadzi-bishara kula Sheba, Dedani na Tarishishi phamwenga na anajeshi sujaa andakuambani, “Mkedza hala zewe? Mukakusanya anajeshi sujaa mwedze mtsukule feza na zahabu, muhale mifugo, yani muhale vitu vinji zewe?” ’

Isabu 24:9

Andanyapa-nyapa na kupweka dza simba, dza simba mchetu, ni ani awezaye kumlamusa? Naabarikiwe yeyesi ndiyekubariki, na alaniwe yeyesi ndiyekulani.’ ”

Mathayo 7:24

“Kpwa hivyo, chila mutu asikiraye higa maneno gangu na kugalunga andakala dza mutu wa ikima yedzenga nyumbaye dzulu ya mwamba.