Ezekieli 27:10 - Digo Bible

¹⁰ “ ‘Atu a Pashia, Ludi na Puti ahumika dza asikari mwako jeshini. Aho agbwadzika ngao na kofiya za chuma mwako kutani, nao achionyesa unonoo.

Ezekieli 27:10 ပူးပေါင်းရင်းမြစ်များ

Mwandzo 10:13

Uvyazi wa Misiri kala ni Aludi, Aanami, Alehabi, Anafutuhi,

Mwandzo 10:22

Ana a Shemu kala ni Elamu, Ashuru, Arifakisadi, Ludi na Aramu.

Mwandzo 10:6

Ana alume a Hamu kala ni Kushi, Misiri, Puti na Kanani.

1 Nyakati 1:11

Na Misiri wavyala Aludi, Aanami, Alehabi, Anafutuhi,

1 Nyakati 1:17

Ana a Shemu kala ni Elamu, Ashuru, Arifakisadi, Ludi, na Aramu. Ana a Aramu kala ni Usi, Huli, Getheri, na Mashi.

1 Nyakati 1:8

Ana alume a Hamu kala ni Kushi, Misiri, Puti na Kanani.

Wira wa Selemani 4:4

Singoyo ilaini na ichidengelesa dza mnara wa Daudi na mkpwufuo ni dza ngao elufu mwenga za masujaa chizotsomekpwa kpwenye nyo mnara.

Isaya 66:19

“Nindaika ishara yangu kahi-kahi yao, chisha nindahuma anjina aho ariotiya kula mataifa gaga aphiye Tarishishi, Puli na Ludi (anajeshi ahumirao maha) na Tubali na Javani, na visuwa vya kure ambavyo tavidzangbwesikira togo zangu au kuona nguma yangu. Nao andatangaza nguma yangu kahi ya mataifa.

Jeremia 46:9

Sengerani mbere, mwi farasi, shambuliyani mwi anajeshi akuhumira magari ga kuvwehwa ni farasi! Sengerani mbere mwi masujaa: Atu a Kushi na Puti ajuzi akuhumira ngao, atu a Ludi amanyao kuhumira uha.

Ezekieli 26:17

Nao andakuimbira wira wa sonono na akuambe: Ikakaladze ukabanangika, uriyekala mtawala wa bahari uwe mudzi uriyetogolwa, uriyekala na uwezo ko baharini, uwe na nyo asagalao mumo waahenda asagalao pwani asumbwe ni miri.

Ezekieli 27:11

Atu a Arivadi na Heleki kala a dzulu ya kutazo pande zosi, nao atu a Gamadi kala a dzulu ya minarayo. Aho agbwadzika ngao zao mo mwako kutani pande zosi, achihenda unonoo ukamilike.

Ezekieli 30:5

“ ‘Anajeshi a kukodishwa kula Kushi, Puti, Ludi, Arabiya yosi, Libiya na hata atu a tsi ya chilagane changu andaolagbwa na upanga phamwenga na Amisiri.

Ezekieli 38:5

Anajeshi a Pashia, Kushi na Puti a phamwenga nao, chila mmwenga ana ngao na kofiya ya chuma.

Danieli 5:28

PERESI, utawalao ukaganywa nao ukahewa Amedi na Apashia.”

Nahumu 3:9

Nguvu za Thebesi kala ni Kushi na Misiri tsi zoipha nguvu zisizosira. Msada wa Thebesi kala ula Puti na Libiya.