Ezekieli 26:12 - Digo Bible

¹² Nao andahala zewe utajirio na vituvyo vya bishara. Aho andabomola kutazo na kubomola nyumba zenu nono-nono. Alafu atsuphe mawego, mbaozo na taka-taka zosi kahi-kahi ya bahari.

Ezekieli 26:12 ပူးပေါင်းရင်းမြစ်များ

2 Nyakati 32:27

Hezekiya kala ana mali nyinji sana na atu osi amuishimu. Naye wadzenga nyumba za kuikira hazinaze za feza, zahabu, mawe ga samani, manukato, ngao na vitu vyanjina vya samani.

2 Nyakati 36:10

Mwaka uriphosira, mfalume Nebukadineza wahuma ajumbe kpwendamuhala mateka Jehoyakini achimphirika hadi Babeli phamwenga na miyo ya samani kula nyumba ya Mwenyezi Mlungu. Zedekiya mwanao wa Jehoyakini waikpwa akale mfalume wa Juda na Jerusalemu.

Isaya 23:11

Mwenyezi Mlungu akagolosa mkpwonowe dzulu ya bahari na kuhenda falume zisumbe. Akalavya amuri kukala midzi ya Kanani yozungulusirwa ngome, ivundzwe-vundzwe.

Isaya 23:8

Ni ani ariyepanga njama hino chinyume cha Tiro, mudzi uriovwisa tadzi atu anji? Mudzi ambao ahendadzie bishara kala ni ana a afalume na achuuzie kala ni atu akulu duniani?

Isaya 32:12

Pigani vifuwa vyenu kpwa sonono kpwa sababu ya minda ya mizabibu yenu,

Jeremia 25:34

Rirani na mmwagikpwe ni matsozi mwi arisa, lalani ivuni mwi vilongozi a cho chaa. Mana nyo wakati wa kutsindzwa ukafika mundagbwa na mvundzike-vundzike dza nyungu nono.

Jeremia 52:14

Jeshi rosi ra Babeli ambaro kala ri tsini ya ye mkpwulu wa arindzi a mfalume, ravundza-vundza kuta zosi zozunguluka Jerusalemu.

Ezekieli 26:5

Nawe undakala phatu pha kuanikira vimiya kahi ya bahari, mana mimi Mwenyezi Mlungu nkaamba gaga, nawe vituvyo vindahalwa zewe ni atu a mataifa.

Ezekieli 28:8

Aho andakutsereza kuzimu nawe undaolagbwa chikatili kahi-kahi ya bahari.

Danieli 11:8

Chisha andahala milungu yao, vizuka vyao vya chuma na miyo yao ya samani ya feza na ya zahabu. Andaikusanya aphiye nayo Misiri. Kpwa muda wa miaka fulani, ye mfalume wa mwakani kandashambuliya mfalume wa vurini.

Hosea 13:15

Dzagbwe ndiye chiyeongokerwa kuriko nduguze, Mwenyezi Mlungu andahuma phepho kula mlairo wa dzuwa naro rindapiga kula weruni. Pulaze za madzi zindauma, visimavye vindauma. Nyumbaze za kuikira hazina zindavundzwa na vituvye vya samani vindahalwa.

Amosi 5:11

Phahi kpwa sababu mkuonera achiya, na kuatoza kodi za mtsere, mwimwi mkadzenga nyumba za mawe ga kutsonga, ela tamundazisagala, mwaphanda minda minono ya mizabibu, ela tamundanwa uchiwe.

Nahumu 2:9

“Halani zewe feza! Halani zewe zahabu!” Ninawi una hazina isiyosira, utajiri wa chila aina ya vitu vya samani.

Zakariya 7:14

Náatsamula na chikulukulu kuaphirika tsi zanjina zosi ambazo kala taazimanya. Kpwa hivyo yo tsi yao ariyoiricha ichisala gandzo, hata kuchikala takuna mutu ainjiraye wala atulukaye. Aho aihenda tsi nono ikale gandzo.’ ”