Ezekieli 24:9 - Digo Bible

⁹ “ ‘Phahi Mwenyezi Mlungu anaamba hivi: Shaka hiro nyo mudzi wa atu aolagao atu asio na makosa! Chisha ndaika mʼwalo mkpwulu wa kuni.

Ezekieli 24:9 ပူးပေါင်းရင်းမြစ်များ

Isaya 30:33

Phatu pha kuochera lufu ra mfalume phatayarishwa hangu kare. Dibwa hiro ni pana tsona ra china. Phana kuni nyinji chizopangbwa kare. Mwenyezi Mlungu andaasa moho kpwa pumuziye dza moho wa chibiriti.

Isaya 31:9

Urindzi wa Aashuru undagbwa kpwa sababu ya wuoga, Akulue a viha andadziondoka achimbire ariche bendera yao vihani.” Hivi ndivyo Mwenyezi Mlungu aambavyo iye ambaye mohowe mkpwulu u dzulu ya mwango Sayuni na jimbi-jimbire ri Jerusalemu.

Ezekieli 21:2

“Mwanadamu, loza usoo uphande wa Jerusalemu na uhubiri chinyume cha phatu phatakatifu. Lavya unabii chinyume cha tsi ya Iziraeli.

Ezekieli 21:3

Uiambire, ‘Mwenyezi Mlungu anaamba hivi: Mimi ni chinyume na uwe Iziraeli. Nindatuluza upanga wangu chowani niolage atuo a haki na atu ayi.

Ezekieli 22:2

“We mwanadamu, dze, undauhukumu? Undauhukumu nyo mudzi wa aolagadzi? Phahi aambire atu a mumo mahendo gao gosi ga kutsukiza.

Ezekieli 22:31

Kpwa sababu iyo náatsukirirwa sana na nchiabananga na moho wa tsukizi zangu. Náariphiza kpwa go mai arigogahenda, mimi Mwenyezi Mlungu nkaamba.”

Ezekieli 24:10

Tiya kuni nyinji, kusanya moho nyama iokohe sana na utiye vilungo, na mifupha iphye.

Ezekieli 24:5

Tsambula ye ariye mnono zaidi kula chaa cha mbuzi na mangʼondzi tiya kuni na uiriche iokohe vinono jita zo nyama phamwenga na mifuphaye.

Ezekieli 24:6

“ ‘Kpwa hivyo Mwenyezi Mlungu anaamba: Shaka hiro nyo mudzi wa atu aolagao atu asio na makosa, ambao u dza nyungu iriyo na ngʼandu, ambayo kutuye taindatuluka. Tuluza finyango mwenga-mwenga bila ya kutsambula.

Nahumu 3:1

Shauriyo uwe mudzi uriye na aolagadzi anji, mudzi urio tele atu a handzo na anyangʼanyi, na kuhala atu mateka kusikosira.

Habakuki 2:12

Shauriye hiye adzengaye mudzi na pesa arizophaha kpwa kuolaga atu na kuwiimarisha kpwa kuhenda fujo na uyi.

2 Athesalonike 1:8

Andakpwedza na jimbijimbi ra moho, edze atiye adabu hara asioogopha Mlungu, na atu aremao habari nono kuhusu Bwana wehu Jesu Muokoli.

Juda 1:7

Tsona tambukirani atu a Sodoma na Gomora na midzi iriyokala phephi, ahenda dza hara malaika. Azinga na alume kuhendwa achetu; mambo higa ni chinyume cha mipango ya Mlungu. Achihukumiwa moho wa kare na kare, ikale fundzo kpwa atu osi.

Maono 14:20

Zabibu zizo zaminywa phatu phokala kondze ya nyo mudzi mkpwulu. Zabibu ziriphokala zinaminywa zatuluka milatso, na milatso iyo ichikala muho ambao urewe kala ni kilomita magana mahahu na uchikala na china cha mita mwenga na nusu.

Maono 16:19

Ndipho mudzi mkpwulu wa Babeli uchiganyika seemu tahu na midzi mikulu ya mataifa ganjina ichibanangbwa-banangbwa yosi. Naye Mlungu kayayala kutiya adabu nyo mudzi wa Babeli. Mana waulazimisha ugbwabire chikombe cha uchi mufu wa tsukizize.

Maono 16:6

Mana atu ayi amwaga mlatso wa atakatifuo na manabiigo, nawe Bwana undaapha milatso anwe. Hivyo ndiyo adabu anayofwaha kuphaha.”

Maono 21:8

Ela phahi aoga, asiomkuluphira Mlungu, akora, aolagadzi, adiya, atsai, aabuduo vizuka, na a handzo, aho osi phatu phao ni ziya ra moho mkali wa chibiriti. Na chicho ndicho chifo cha phiri.”