Ezekieli 22:10 - Digo Bible

¹⁰ Mo mwako, muna atu alalao na akaza ise zao, na alazimishao achetu ario kpwenye ga chichetu kulala nao, wakati taaswafi.

Ezekieli 22:10 ပူးပေါင်းရင်းမြစ်များ

Mwandzo 35:22

Wakati Iziraeli kala asagala tsi iyo, mwanawe Rubini walala na Biliha, mwanachetu wa ise, na Iziraeli achigasikira. Jakobo kala ana kumi na airi alume.

Mwandzo 49:4

U dza maimbi, kuzuwiyika, vivi kundaishimika kuriko osi tsona, mana walala chitanda cha sowe, uchichitiya najisi kpwa kulala na mkpwaza sowe.

1 Nyakati 5:1

Ana a Rubini, mwana mvyere wa Iziraeli (mana iye ndiye ariyevyalwa wa kpwandza; ela kpwa sababu watiya najisi chitanda cha ise kpwa kulala na mkpwaza ise, hakiye ya mvyalwa wa kpwandza yahewa ana a Yusufu, mwana wa Iziraeli. Kpwa hivyo, Rubini kaandikirwe kpwenye vitabu vya kumbukumbu kulengana na iyo haki ya mvyalwa wa kpwandza.

Ezekieli 18:6

Iye karya sadaka za mizuka ya myangoni, kavoya vizuka vya Aiziraeli, kalala na mkpwaza mutu wala kulala na mchetu wakati ana ga chichetu.

Alawi 18:19

“Usilale na mchetu napho ana mambo ga chichetu.

Alawi 18:6

“Mutu yeyesi kahi yenu naasilale na mʼbariwe wa phephi. Mimi, ndimi Mwenyezi Mlungu.

Alawi 20:11

Mlume alalaye na mkpwaza ise, anamtiya waibu ise, osi airi ni aolagbwe. Na lawama ra chifo chao ri dzulu yao enye.

Alawi 20:18

Napho mlume akalala na mchetu ariye kpwenye mambo ga chichetu, osi airi ni atengbwe na atu ao. Hiye mlume akafwenula mjero wa hiye mchetu naye mchetu akadzifwenula mjerowe.

Amosi 2:7

Anaonera sana achiya hata taana pha kuphumira anaalafya haki atu asiodziweza. Mutu na ise analala mchetu mmwenga na kpwa njira iyo ananajisi dzina rangu takatifu.

1 Akorintho 5:1

Kpwa kpweli náambirwa kukala kuna atu adiya kahi yenu. Tsona udiya uhu ni wa kpwaangalaza sana. Unatsapa hata wa atu asiomkuluphira Mlungu, mana myawenu mmwenga anazinga na mkpwaza ise!

Kumbukumbu 27:20

“ ‘Naalaniwe mlume ndiyelala mkpwaza ise, mana akamvundzira ise ishima.’ Na atu osi andajibu aambe, ‘Amina!’

Kumbukumbu 27:23

“ ‘Naalaniwe mutu yeyesi ndiyelala mtsedzawe.’ Na atu osi andajibu aambe, ‘Amina!’