Ezekieli 2:4 - Digo Bible

⁴ Nakuhuma kpwa atu ambao taana haya na enye likakado, ukaambire, ‘Mwenyezi Mlungu anaamba hivi.’

Ezekieli 2:4 ပူးပေါင်းရင်းမြစ်များ

1 Afalume 22:14

Ela Mikaya achiamba, “Dza Mwenyezi Mlungu arivyo moyo, neno ndiro gomba Mlungu wangu, ndiro ndirorigomba mimi.”

2 Nyakati 30:8

Sambi msikale na likakado dza sowe zenu, ela dzilavyeni kpwa Mwenyezi Mlungu. Ndzoni muinjire phatuphe phatakatifu ambapho akaphatakasa hata kare na kare. Abuduni Mwenyezi Mlungu, Mlungu wenu naye andakuuyirani.

2 Nyakati 36:13

Tsona Zedekiya waasi mfalume Nebukadineza, ambapho kala akaapa kukala andaishimu Mwenyezi Mlungu. Ela Zedekiya kala ni mutu wa moyo mufu, warema kulunga Mwenyezi Mlungu, Mlungu wa Iziraeli.

Zaburi 95:8

“Msihende mioyo yenu kukala mifu, dza akare enu arivyohenda hiko Meriba, dza arivyohenda siku hizo, ariphokala a hiko weru wa Masa.

Misemo 21:29

Mutu mui nkudzihenda kajali, ela mutu mwenye haki nkuhenda mamboge kpwa makini.

Isaya 48:4

Mana námanya uwe unalikakado, na singoyo taigaluzika, ni nyifu dza chuma, na chilangucho nchifu dza shaba.

Jeremia 1:7

Ela Mwenyezi Mlungu achiniamba, “Usiambe, ‘Nchere mwanache,’ mana ni uphiye kpwa osi ndiokuhuma kpwao, na uaambire gosi ndigokulagiza.

Jeremia 3:3

Ndiyo mana mawasa ga mvula gazuwiywa, na mvula za vuri tazidzangbwenya ela una matso mafu dza ga malaya kuona waibu tse.

Jeremia 36:21

Chisha mfalume achimuhuma Jehudi akahale cho chitabu. Naye achendachihala mo chumbani mwa muandishi Elishama achedzamsomera mfalume na go maofisaa gosi garigokala gaimire phephi na mfalume.

Jeremia 5:3

Ee Mwenyezi Mlungu, uwe ukuendza uaminifu Uwe ukaapiga, ela taasikirire utsungu, waasaga, ela arema kugaluka. Ahenda nyuso zao kukala nyifu kuriko dziwe na kurema kutubu.

Jeremia 6:15

Dze aona waibu wakati ariphohenda mambo ga kutsukiza? Hata taayaona waibu bii; aho taayamanya tse. Kpwa hivyo andagbwa kahi za nyo ariogbwa; ndiphoatiya adabu undakala mwisho wao, mimi Mwenyezi Mlungu nkaamba.”

Jeremia 8:12

Dze ariphohenda utu wa kutsukiza agbwirwa ni waibu? Taayaona waibu tsetsetse vyo vya mutu kuona waibu aho taavimanya. Kpwa hivyo andagbwa kahi za atu ariogbwa; ndiphoatiya adabu, andaangamia, mimi Mwenyezi Mlungu nkaamba.

Ezekieli 3:11

Phiya kpwa nyo atuo ariohalwa mateka na ukagombe nao akale andasikira au taandasikira, uaambire, ‘Mwenyezi Mlungu anaamba hivi!’ ”

Ezekieli 3:27

Ela ndiphokala nagomba nawe, ndakupha uwezo wa kugomba, nawe undaambira, ‘Mwenyezi Mlungu anaamba hivi!’ Iye ndiyesikira, naasikire na ndiyerema kusikira, naasisikire; mana aho ni aasi.

Ezekieli 3:4

Chisha achiniamba, “Mwanadamu, phiya kpwa atu a Iziraeli, ukaambire maneno gangu.

Ezekieli 3:7

Ela nyo atu a Iziraeli taandakuphundza, mana taalonda kuniphundza. Aho ni atu ambao taana haya na ni enye likakado.

Amosi 7:15

Ela Mwenyezi Mlungu waniusa kpwenye kazi ya kurisa mifugo, naye achiniamba, ‘Phiya ukalavye unabii kpwa atu angu Aiziraeli.’

Zakariya 7:12

Ahenda mioyo yao kukala mifu dza dziwe ili asedze akasikira shariya na maneno ambago Mwenyezi Mlungu, Mlungu wa majeshi wagalagiza kpwa njira ya Rohowe mtakatifu kutsupira manabii a pho kare. Kpwa hivyo, Mwenyezi Mlungu, Mlungu wa majeshi achiatsukirirwa sana.

Mathayo 10:16

“Phundzani! Nakuhumani mphiye, namwi mundakala dza mangʼondzi gaphiyago kahi ya mabawa. Kpwa hivyo kalani erevu dza nyoka na a pole dza njiya.

Kumbukumbu 10:16

Kpwa hivyo, lungani chilagane cha Mwenyezi Mlungu na msikale tsona atu a likakado.

Kumbukumbu 31:27

Mana namanyani murivyo, mu atu aasi na a likakado. Ichikala mkakosa kumtii Mwenyezi Mlungu wakati ni mzima phamwenga namwi, nchifwa indakaladze?