Ezekieli 18:12 - Digo Bible

¹² Piya nkuonera achiya na agayi na nkufuta atu mali zao kpwa nguvu. Nkukala kauyiza choikpwa mzamana ni myawe, nkuabudu vizuka, nkuhenda mambo ga kutsukiza,

Ezekieli 18:12 ပူးပေါင်းရင်းမြစ်များ

2 Afalume 21:11

“Kpwa sababu Manase mfalume wa Juda akahenda mambo ga kutsukiza, mambo mabaya zaidi ya gara garigohendwa ni Aamori arioatanguliya, achiahenda atu a Juda nao vivyo ahende dambi kpwa kuhumira vizukavye,

2 Afalume 23:13

Piya achinajisi phatu pha dzulu pha kuabudu phokala uphande wa mlairo wa dzuwa wa Jerusalemu na kuelekeya uphande wa mwango wa ubanangadzi, phatu Selemani, mfalume wa Iziraeli ariphodzenga kpwa ajili ya Ashitorethi mlungu wa Asidoni, Kemoshi mlungu wa Moabu na piya Milikomu mlungu wa Aamoni ambayo yosi kala ni tsukizo kpwa Aiziraeli.

Isaya 3:14

Mwenyezi Mlungu andalavya uamuli chinyume cha atumia na vilongozi a atue aambe, “Mwimwi ndimwi mchiobananga munda wangu wa mizabibu! Nyumba zenu mkaziodzaza vitu murivyofuta achiya.

Jeremia 22:17

Ela matsogo na moyoo unaphalahira mapato gasigo ga halali, kpwa kuolaga asio makosa, kuonera atu na kuahendera ujeuri.”

Jeremia 22:3

Mwenyezi Mlungu anaamba kukala muhende ga haki na garigo sawa. Mteryeni achiyetiywa mikononi mwa atu ayi achiomuiyira malize. Musiahendere mai ajeni, anachiya na magungu wala msimwage mlatso wa mutu asiye na makosa kahi ya tsi ihi.

Ezekieli 16:49

Lola, makosa ga mwenenu mchetu Sodoma na anae achetu ni higa: Kudziunula na kusaterya achiya na akutsowa, dzagbwe kala akaongokerwa na kala ana chakurya chinji.

Ezekieli 18:16

Iye kaonera mutu, kahala mzamana wala kafuta atu mali zao kpwa nguvu, ela nkuapha chakuryache atu ahirikao, nkuapha nguwo ario chitsaha,

Ezekieli 33:25

Kpwa hivyo aambire, ‘Mwenyezi Mlungu anaamba hivi: Kpwa kukala munarya nyama na milatsoye na kuviunurira vizuka vyenu matso genu na kuolaga atu asio na makosa, munawezadze kuamba yo tsi ni yenu?

Ezekieli 7:23

“Tayarishani silisili kpwa kukala tsi i tele uolagadzi na mudzi ukaodzala fujo.

Ezekieli 8:17

Iye waniamba, “Mwanadamu, ukagaona gano? Dze, ni dzambo dide ra atu a Juda, kuhenda mambo ga kutsukiza dza anagogahenda hipha? Mana tsi akaiodzaza fujo ra vivyo kpwa vivyo anarorihenda phapha ili anitsukize. Lola anavyonilumiza kpwa kunionyesa chironda.

Ezekieli 8:6

Phahi waniamba, “Mwanadamu, unaona go mambo ga kutsukiza ahendago atu a Iziraeli? Mambo ndigonihenda niphiye kure na phatu phangu phatakatifu. Ela undaona mambo ga kutsukiza zaidi ya higa.”

Hosea 12:7

Achuzi anahumira vipimo vya wiivi dza atu a Akanani, anamendza kuiyira atu.

Alawi 18:22

“Usimuhende mlume myao mchetu. Hiro ni dzambo ra kutsukiza.

Amosi 4:1

Phundzani higa, mwi achetu a Samariya, mnonao dza ngʼombe ziriswazo vinono za Bashani, muonerao achiya na kutesa agayi, ambao mkuambira alume enu, “Haya reheni uchi hunwe!”

Zakariya 7:10

Musionere magungu, anachiya, ajeni asagalao kahi yenu wala achiya. Tsona musipange kuhenderana mai.’

Jakobo 2:6

Ela mwabera achiya. Mmanye kala matajiri ndio ambao nkukuonerani na kukuphirikani kotini.