Ezekieli 17:20 - Digo Bible

²⁰ Nindamtsuphira nyavu yangu naye andagbwirwa ni muhambo wangu. Nindamphirika Babeli nkamuamule kuko kpwa kusakala muaminifu kpwangu.

Ezekieli 17:20 ပူးပေါင်းရင်းမြစ်များ

2 Samueli 18:9

Na Abusalomu achikutana na anajeshi anjina a Daudi. Hiye Abusalomu kala anaphirika nyumbu naye watsupa tsini ya panda ndziho za mwaloni mkpwulu ndipho chitswache chichigama kpwenye hinyo mwaloni, achirichwa analewalewa na yuya nyumbu ariyekala akampanda achiphiya vyakpwe.

2 Nyakati 33:11

Kpwa hivyo Mwenyezi Mlungu waarehera akulu a jeshi ra mfalume wa Ashuru. Hinyo akulu a jeshi amuhala Manase achimtiya pingu, achimtiya chiloo pulani na achimfunga na silisili za shaba, alafu achimphirika hadi tsi ya Babeli.

Ayubu 10:16

Niunulapho chitswa tu, uwe ukuniindza dza simba, na kuonyesa tsona uwezoo wa ajabu chinyume changu.

Muhubiri 9:12

Mana mwanadamu kamanya wakatiwe undafika rini. Iye nkuphahwa ni wakati mui gafula dza ngʼonda agbwirwavyo ni nyavu na dza nyama a mapha agbwirwavyo ni mihambo.

Jeremia 2:35

unaamba, ‘Sina makosa, kpwa kpweli Mwenyezi Mlungu kanitsukirirwa tsona.’ Ela mino ndakuamula kpwa ko kuamba, ‘Sina makosa.’

Jeremia 2:9

Kpwa sababu hiyo, nindaenderera kulumbana namwi, mimi Mwenyezi Mlungu nkaamba. Chisha nindalumbana na adzukulu enu.

Jeremia 34:21

Nindamtiya Zedekiya mfalume wa Juda na maofisaage mikononi mwa maadui gao alondao kuaolaga, yani mikononi mwa jeshi ra mfalume wa Babeli arioaricha na kuphiya vyao.

Jeremia 37:17

Chisha mfalume Zedekiya wamlagizira na achirehwa phakpwe dzumbani. Achimuuza chisiri achimuamba, “Dze una ujumbe wowosi kula kpwa Mwenyezi Mlungu?” Jeremia achimuamba, “Ehe, uwe undatiywa mikononi mwa mfalume wa Babeli.”

Jeremia 50:44

“Lola, dza simba aambukaye kula weru wa Joridani kuvamia chaa imara cha mangʼondzi, nindaazola atu a Babeli kula kahi ya tsi yao. Chisha ye chilongozi ndiyemtsambula ndiye ndiyetawala tsi. Mana ni ani ariye dza mimi? Ni ani awezaye kulumbana na mimi? Ni mrisa yuphi awezaye kunipinga?

Sonono za Jeremia 1:13

Iye wahuma mwangu mifuphani moho kula dzulu, nao unaniocha. Wahandika nyavu anigbwire magulu, aniuyize nyuma. Waniricha machiyangu, mnyonje siku yosi.

Sonono za Jeremia 4:20

Mfalume wehu, ye mmwagirwa mafuha wa Mwenyezi Mlungu, ariye mrindzi wa taifa rehu, wagbwirwa ni mihambo yao. Enye kala hukafikiriya kukala andahurinda na taifa rorosi phapha duniani.

Ezekieli 12:13

Nami nindatandaza nyavu yangu dzuluye naye andagbwirwa ni muhego wangu. Nindamphirika mudzi wa Babeli, urio tsi ya Akalidayo wala kandauona na andafwa kuko.

Ezekieli 15:8

Ndaihenda yo tsi ikale gandzo kpwa kukala taakarire aaminifu kpwangu, mimi Mwenyezi Mlungu nkaamba.”

Ezekieli 17:19

“ ‘Kpwa hivyo Mwenyezi Mlungu anaamba hivi: Kpwa kpweli dza niishivyo, nindamtiya adabu kpwa kubera chirapho changu na kuvundza chilagane changu.

Ezekieli 18:24

Ela napho mutu wa haki andaricha kuhenda haki na ahende mambo ga kutsukiza dza mutu mui, dze, mutu ye andakala moyo? Gosi ga haki arigohenda tagandatambukirwa. Iye andafwa kpwa sababu ya kusakala muaminifu na kpwa dambi arizohenda.

Ezekieli 32:3

“ ‘Mwenyezi Mlungu anaamba hivi: Ndakutsuphira nyavu yangu kahi-kahi ya atu anji, nao andakuvweha na nyavu yangu.

Ezekieli 38:22

Nami ndaamula kpwa makongo na kuaolaga. Nindareha mvula kulu, mvula ya mawe na moho wa chibiriti dzuluye na anajeshie, na dzulu ya mataifa manji garigo phamwenga naye.

Hosea 2:2

Anangu, bishani na mayo yenu, (mana iye siye mkpwazangu nami simi mlumewe tsona). Muambireni ariche kuzinga na umalayawe,

Hosea 7:12

Wakati anaphiya, nindaahegera nyavu, niagbwire dza nyama a mapha. Nindaatiya adabu kpwa mahendo gao mai.

Mika 6:2

Sikirani malalamishi ga Mwenyezi Mlungu mwimwi myango na mwimwi misingi ya kudumu ya dunia. Mana Mwenyezi Mlungu ana malau na atue na andauzana maswali na Aiziraeli.”

Luka 21:35

dza muhego. Kpwa mana siku iyo indakpwedza kpwa atu osi duniani.