Ezekieli 11:13 - Digo Bible

¹³ Wakati natabiri, Pelatia mwana wa Benaya achifwa. Ndipho nchidzibwaga chimabumabu na nchirira kpwa sauti nchiamba, “Aa Mwenyezi Mlungu, nyo Aiziraeli ariosala undaolaga tsetsetse?”

Ezekieli 11:13 ပူးပေါင်းရင်းမြစ်များ

1 Afalume 13:4

Mfalume Jeroboamu ariphosikira maneno higo ga mutu wa Mlungu dzulu ya phatu pha kulavira sadaka hiko Betheli, wagolosa mkpwono achiamba, “Mgbwireni hiye mutu!” Na mara mwenga hura mkpwonowe ariougolosa, wadina, kayaweza tsona kuukundza.

Zaburi 106:23

Kpwa hivyo achiamba andaangamiza, ela Musa, ariyemtsambula, achiakanira achimuhenda Mlungu asiaolage kpwa tsukizize.

Zaburi 119:120

Nakakama kpwa kukuogopha uwe, naogopha uamulio.

Misemo 6:15

Kpwa ajili ya higo, mai gandamphaha gafula, mara mwenga andalumizwa vibaya na kandaphola.

Ezekieli 11:1

Phahi náunulwa ni Roho na achiniphirika hadi ryango wa mlairo wa dzuwa wa nyumba ya Mwenyezi Mlungu. Nálola pho phatu pha kumenyera, nami nchiona atu mirongo miiri na atsano. Kahi yao kala phana vilongozi airi a atu, yani Jaazania mwana wa Azuri na Pelatia mwana wa Benaya.

Ezekieli 11:14

Mwenyezi Mlungu achinijibu achiniamba,

Ezekieli 20:17

Ela nchiaonera mbazi na siaangamizire wala kuamarigiza ko jangbwani.

Ezekieli 37:7

Phahi nálavya unabii dza nrivyolagizwa. Nriphokala nalavya unabii, gafula kpwahenda ngongolo-ngongolo, na yo mifupha ichiuyirana, mfupha na mfupha wanjina.

Ezekieli 7:2

“Uwe mwanadamu, Mwenyezi Mlungu anaiambira tsi ya Iziraeli hivi: Mwisho ukafika, mwisho chinyume cha pembe ne za tsi!

Ezekieli 9:8

Ariphokala anaenderera kuolaga nami nkarichwa machiyangu, nádzibwaga chimabumabu nchirira nchiamba, “Aa, Mwenyezi Mlungu! Vino u phephi na kuangamiza Aiziraeli osi ariosala kpwa tsukizizo, kpwa kukala ukaitsukirirwa Jerusalemu?”

Hosea 6:5

Ndiyo mana nkahuma manabii angu na ujumbe wa uamuli na kubananga. Kpwa kukala uamuli wangu uredza dza mwanga.

Amosi 7:2

Ndzije ariphokala taadzangbwemala kurya mimea yosi ya yo tsi, naamba, “Ee Mwenyezi Mlungu, nakuvoya uhuswamehe! Mana Jakobo ni mdide sana, andatiyadze?”

Amosi 7:5

Ndipho nchiamba, “Ee Mwenyezi Mlungu, nakuvoya ugariche! Mana Jakobo ni mdide sana, andatiyadze?”

Mahendo 13:11

Sambi Mlungu andakutiya adabu; undakala chipofu na kundaona mwanga wa dzuwa kpwa muda.” Mara mwenga Elimasi achiona chitu dza guro na jiza. Waangaika hiku na hiko kuendza mutu wa kumgbwira mkpwono na kumlongoza njira.

Mahendo 5:10

Phapho hipho achigbwa maguluni pha Petero na achifwa. Hara barobaro ambao kala akamzika mlumewe ariphoinjira ndani amkuta akafwa kare, achimuhala na achendamzika phephi na mlumewe.

Mahendo 5:5

Anania ariphosikira hivyo, wagbwa na achifwa. Atu osi osikira mambo higo atishirwa sana.

Kumbukumbu 7:4

Mana muchihenda hivyo, atu hinyo andahenda ana enu asimhumikire Mwenyezi Mlungu ela aabudu milungu yanjina. Naye Mwenyezi Mlungu andakutsukirirwani na akuolageni mara mwenga.