Esta 9:25 - Digo Bible

²⁵ Ela iyo mipangoye mii yokala akaapangira Ayahudi iriphomfikira mfalume, mfalume achilavya amuri na iyo njama mbii ichimuuyira Hamani mwenye, iye na anae achisongolwa dzulu ya muhi.

Esta 9:25 ပူးပေါင်းရင်းမြစ်များ

1 Afalume 8:32

phahi sikira kula mlunguni na uamule. Aamule atumishio, mutu mui mtiye adabu kulengana na uyiwe na ambaye kana makosa mrichire dza irivyo hakiye.

Esta 3:6

Ela ariphoambirwa kukala Modekai ni Myahudi achiona kukala kumuolaga Modekai macheye takutosha bii, njira nono ni kumuolaga iye phamwenga na Ayahudi ariokala katika utawala wa Ahasuero.

Esta 7:10

Phahi Hamani achihalwa achendasongolwa dzulu ya hinyo muhi ariokala akamtengezera Modekai na tsukizi za mfalume zichidigirika.

Esta 7:4

Mana mimi na atu angu hwaguzwa huolagbwe na huangamizwe tsetsetse. Kalapho hwaguzwa hukale atumwa bahi, hata ningenyamala, singekuyuga nago tse mfalume.”

Esta 7:5

Mfalume Ahasuero achimuuza Malikia Esta achiamba, “Ni ani ye awezaye kusubutu kuhenda dzambo dza hiro na akuphi?”

Zaburi 140:8

Ee Mwenyezi Mlungu, usiaphe ayi alondago, usiriche mipango yao mii ikaongokerwa.

Zaburi 140:9

Usiruhusu maadui gangu gakanishinda, go mai anipangirago, nagaauyire enye!

Zaburi 141:10

Richa nyo atu ayi agbwirwe ni vyo vimia vyao, kuno natsupa salama.

Zaburi 7:16

Mipangoye ya kubananga ayae nkumuuyira mwenye, nkupanga fujo rikamuuyira ye mwenye.

Zaburi 7:17

Nindamshukuru Mwenyezi Mlungu kpwa sababu ni wa haki. Nindamuimbira Mwenyezi Mlungu Ariye Dzulu Kuriko Vyosi, mawira ga mkutogola.

Zaburi 94:23

Iye andaaripha dambi zao, na aangamize kpwa uyi wao. Mwenyezi Mlungu, Mlungu wehu andaangamiza tsetsetse.

Misemo 26:27

Mutu atsimbiraye ayae lina andabovoka mwenye naye apingilisiraye ayae dziwe rindamfinyanga mwenye.

Misemo 5:22

Mutu mui andachengbwa ni uyiwe mwenye; andafungbwa na mkpwowa wa dambize mwenye.

Isaya 22:25

Siku hiyo,” Mwenyezi Mlungu, Mlungu wa majeshi anaamba, “Hinyo msumari uriokotwa ngingingi undarejera, ungʼoke, ugbwe na hinyo mzigo uriotsomekpwa dzuluye, undagbwa.”

Obadiya 1:15

Mana siku ya Mwenyezi Mlungu kuamula mataifa gosi i phephi. Na hivyo murivyoahendera ayawenu mwi atu a Edomu, namwi mundahenderwa dza vivyo. Mambo mai gosi mrigogahenda gandakuuyirani enye.

1 Samueli 25:39

Daudi ariphosikira Nabali akafwa, waamba, “Naatogolwe Mwenyezi Mlungu ambaye akamriphiza Nabali kpwa vyo arivyonilaphiza na kunizuwiya mimi mtumishiwe nsihende mai. Mwenyezi Mlungu akamuuyizira mwenye Nabali uyiwe.” Alafu Daudi wahuma atu, akamposere Abigaili amlóle.