Esta 3:5 - Digo Bible

⁵ Hamani ariphoona kukala Modekai kamzamira au kudzibwaga, achitsukirwa sana.

Esta 3:5 ပူးပေါင်းရင်းမြစ်များ

Esta 1:12

Phahi ano ahumwa achiphiya kpwa Vashiti kama arivyolagizwa ni mfalume. Ela anafika hiko, Vashiti achirema kuphiya. Hipho mfalume achitsukirwa sana na achisikira utsungu sana mwakpwe moyoni.

Esta 3:2

Alafu Mfalume achilavya lagizo kukala hinyo ahumwa osi a mfalume ariokala hipho phakpwe ryangoni azame na kudzibwaga mbere za Hamani kumuabudu. Na hinyo ahumwa osi achihenda hivyo ela Modekai kayahenda bii.

Esta 3:4

Modekai achiamba kukala kaweza kumzamira Hamani kpwa sababu iye ni Myahudi. Hara ahumwa achimuambira Modekai kano nyinji kuhusu kuvundza lagizo ra mfalume ela Modekai kayalonda kuasikira. Phahi ariphoona kukala kaasikira, achimsema na Hamani ili alole napho Modekai andaenderera na imaniye.

Esta 5:9

Phahi siku iyo Hamani watuluka kaya kpwa mfalume kuno ana raha sana mwakpwe moyoni. Ela raha ihi taiyakaa bii. Mana ariphofika hiko ryangoni na kuona kukala Modekai kaima wala kukakama kpwa sababuye, wamreyera sana.

Ayubu 5:2

Kpwa kpweli tsukizi nkumuolaga mpumbavu, na wivu nkumuolaga mzuzu.

Zaburi 37:12

Mutu ahendaye mai nkumpangira njama mbii mutu wa haki na kumkundzira uso kpwa kummena.

Misemo 12:16

Mzuzu ana tsukizi za phephi, ela mlachu nkupuza alaphizwapho.

Misemo 19:19

Mutu wa tsukizi za phephi ni sharuti umriche atiywe adabu. Uchimtivya limwenga, undalazimika uuyire.

Misemo 21:24

Mutu wa shobo na ngulu dzinare aihwa “Chibero,” mamboge gosi agahenda na chibero.

Muhubiri 10:6

anaphoapha azuzu vyeo vya dzulu na kupuza matajiri.

Danieli 3:19

Phahi Nebukadineza watsukizwa sana ni Shediraka, Meshaki na Abedinego hadi usowe uchibadilika. Iye walagizira nyo moho uenjerezwe kano sabaa kuriko kawaida.