15 Atu ayi akausirwa jiza ambaro ndiro mwanga wao, nao taaweza tsona kuunula mikono kuhenda uyi.
Aaramu ariphomlunga akamgbwire, Elisha wamvoya Mwenyezi Mlungu achiamba; “Nakuvoya uahende vipofu atu aha!” Phahi waahenda vipofu sawa-sawa na voyo ra Elisha.
Andazoreswa kula mwangani hadi jizani, na azoreswe kula duniani.
Yo taa ya atu ayi inazimwa, na nyo mohowe taundangʼala.
Kuna aremao mwanga, asiomanya njiraze, wala kuzigbwira.
phahi richa kombefupha rangu rinyotoke kula pho fuzini, na mkpwono wangu unyotoke kula pho phogbwizanyirwa na mwiri.
Mwanga nkuhenda myango na madete duniani gaonekane wazi dza maandishi garigo kpwenye muhuri, au dza maruwa garigo kpwenye nguwo.
Aho nkuona jiza mutsi, na kuphaphasa mutsi avi ni usiku.
Ela Mlungu nkutivya anachiya asiolagbwe, na achiya kula mikononi mwa enye nguvu.
Bananga mkpwotse wa mutu mui, sisa uyiwe wosi.
Mana nguvu ya ahendao mai indauswa ela Mwenyezi Mlungu andaroroma enye haki.
Nayo njira ya atu ayi ni dza chilungulungu cha jiza, taamanya akpwalacho.
Mupheni nguma Mwenyezi Mlungu, Mlungu wenu kabila takudzangbwekala jiza, kabila kudzangbwekpwala vidzango virivyo jizani. Na wakati munaendza mwanga iye andaugaluza ukale jiza-jiza na ro jiza-jiza arihende rikale chilungulungu cha jiza.
Kpwa hivyo Mwenyezi Mlungu anaamba hivi: Lola, mimi ni chinyume na Farao, mfalume wa Misiri nami ndamvundza mkpwonowe mzima piya ili mikonoye yosi ikale ikavundzika na nihende nyo upanga ugbwe kula mwakpwe mkpwononi.
“Ela mutu yeyesi ndiyehenda dambi kusudi, akale Muiziraeli au mjeni, anamkufuru Mwenyezi Mlungu, naye ni atengbwe na atue.