Ayubu 35:13 - Digo Bible

¹³ Kpwa kpweli Mlungu kaphundza chiriro sicho mana, wala ye Mwenye Nguvu Zosi kachijali.

Ayubu 35:13 ပူးပေါင်းရင်းမြစ်များ

Ayubu 15:31

Asidzichenge kukuluphira chitu chisicho na mana, mana kandariphiwa chochosi.

Ayubu 30:20

Ee! Mlungu, nakuririra, ela kunilavukiza, ninaima mberezo ela hata kunilola.

Zaburi 102:17

Andajibu mavoyo ga achiya wala kandarema mavoyo gao.

Zaburi 66:18

Kalapho kala nkakusudiya mai mwangu moyoni, Mwenyezi Mlungu kangeniphundza.

Misemo 15:29

Mwenyezi Mlungu a kure na atu ayi, ela anaphundza mavoyo ga enye haki.

Misemo 15:8

Sadaka za atu ayi ni tsukizo kpwa Mwenyezi Mlungu, ela nkufwahirwa ni mavoyo ga enye haki.

Misemo 28:9

Mutu akahalaye kusikira shariya hata mavoyoge ganatsukiza Mlungu.

Isaya 1:15

Ndiphounula mikono yenu kunivoya, nindalola kanda. Hata mkavoya mavoyo manji sindakuphundzani mana mikono yenu i tele milatso.

Jeremia 11:11

Kpwa hivyo Mwenyezi Mlungu anaamba hivi, ‘Nindaarehera mashaka ambago taandaweza kugaepuka. Dzagbwe andaniririra, mino sindaaphundza.

Hosea 7:14

Taaniririra kula mwao mioyoni, ela anamwagikpwa ni matsozi mwao vitandani, anadzikata-kata wakati anavoya milungu ya chijeni ili aphahe mtsere na uchi muphya nao akanilozera kogo.

Amosi 5:22

Dzagbwe mukunilavira sadaka zenu za kuocha na za mtsere, mimi sindazikubali na sadaka zenu za amani za nyama a kunona sindazilola bii.

Mika 3:4

Siku zedzazo andamririra Mwenyezi Mlungu, ela ye kandaajibu. Wakati hinyo andaafwitsa usowe kpwa sababu ya mahendo gao mai.

Mathayo 6:7

Tsona munaphovoya msidziayuse na maneno manji dza atu asiomanya Mlungu ahendavyo. Mana nkufikiri kukala mavoyo gao gandasikizwa kpwa sababu ya maneno gao manji.

Johana 9:31

Humanyavyo Mlungu kaphundza achina-dambi, ela anaphundza mutu yeyesi amuabuduye na kuhenda gara alondago.

Jakobo 4:3

Na hata mchivoya piya tamphaha, kpwa sababu tamuvoya na nia nono, tsona munavoya vitu ambavyo ni vya kukustareheshani mwi enye.