Ayubu 34:21 - Digo Bible

²¹ Mana matsoge ganalola njira za mwanadamu, na kuona chila hatuwa avyogayo.

Ayubu 34:21 ပူးပေါင်းရင်းမြစ်များ

Mwandzo 16:13

Hagari wamupha dzina hiri ye Mwenyezi Mlungu yegomba naye, “Uwe u Mlungu unionaye,” kpwa sababu waamba, “Hata phapha napho nikamuona Mlungu anionaye.”

2 Nyakati 16:9

Kpwa mana matso ga Mwenyezi Mlungu nkulola chila phatu kosi duniani, ili aatiye nguvu hara anaomkuluphira iye chikamilifu. Ukahenda dzambo ra chizuzu nawe kuandzira sambi undakala na viha.”

Ayubu 10:4

Kpwani, una matso dza ga mwanadamu? Au unaona dza mwanadamu aonavyo?

Ayubu 11:11

Kpwa kpweli anamanya atu asiokala na mana, na aonapho uyi kaupuza.

Ayubu 13:16

Kuku ndiko ndikokala kutivywa kpwangu, mana asiyemuogopha Mlungu kandamsengerera bii.

Ayubu 14:16

Ndipho ungeweza kuolanga nyago zangu, ungechunguza dambi zangu,

Ayubu 24:23

Iye nkuahenda anaomuadamira akale salama, ela matsoge ganalola njira zao.

Ayubu 31:4

Ikale Mlungu kaona njira zangu, na kuolanga nyago zangu zosi?

Zaburi 139:23

Nichunguza, uwe Mlungu, umanye moyo wangu, nijeza umanye maazo gangu.

Zaburi 33:15

Iye watengeza mioyo yao osi, kpwa hivyo anaelewa mahendo gao gosi.

Zaburi 34:15

Matso ga Mwenyezi Mlungu ganalola ahendao haki, na masikiroge ganaphundza chiriro chao.

Misemo 15:3

Matso ga Mwenyezi Mlungu ga chila phatu, ganachunguza ayi na anono.

Misemo 5:21

Mana ahendago mwanadamu gosi ganaonewa ni Mwenyezi Mlungu, iye anachunguza njira zosi.

Jeremia 16:17

Mana mahendo gao gosi tagaweza kufwitsika mbere zangu. Dambi zao zi wazi mbere zangu.

Jeremia 17:10

Mimi Mwenyezi Mlungu ndimi nchunguzaye achili za mwanadamu na kupima moyowe. Na kumuhendera chila mutu kulengana na tabiyaze na mahendoge.”

Jeremia 23:24

Dze, mutu anaweza kudzifwitsa hata nsimuone? Dze, sigotere ko mlunguni na duniani? Mimi Mwenyezi Mlungu nkaamba.

Jeremia 32:19

Ushaurio na mahendogo ni makulu. Uwe unaona gosi gahendwago ni anadamu, uwe ukutuza chila mutu kulengana na tabiyaze na mahendoge.

Amosi 9:8

Lolani, matso ga Mwenyezi Mlungu ganalola ufalume wa dambi wa Iziraeli. Nami ndaubananga na niwuuse duniani isiphokala sindabananga tsetsetse chivyazi cha atu a Jakobo,” Mwenyezi Mlungu anaamba.