Ayubu 33:13 - Digo Bible

¹³ Kpwa utu wani ushindane naye, kuamba, ‘Kandanijibu hata neno mwenga?’

Ayubu 33:13 ပူးပေါင်းရင်းမြစ်များ

Ayubu 10:2

Nindamuambira Mlungu, ‘Usinihukumu, ela nihenda nimanye ro kosa unaronishitakira.’

Ayubu 10:6

Kpwa utu wani uchunguze uyi wangu na kuendza dambi yangu?

Ayubu 11:7

Dze, we unaweza kumanya siri za Mlungu? Au kumanya mwisho wa iye Mwenye Nguvu Zosi?

Ayubu 40:2

“Dze, ashindanaye na ye Mwenye Nguvu Zosi anaweza kumrekebisha? Ye ahehaye na Mlungu, iye naamjibu.”

Ayubu 9:12

Avwatulapho, ni ani awezaye kumzuwiyaa? Ni ani awezaye kumuamba, ‘Unahendani?’

Ayubu 9:14

Mino ndamjibudze, ndaphahaphi maneno ga kulumbana naye?

Zaburi 62:11

Mlungu wagomba limwenga, higa nkagasikira kano mbiri, kukala uwezo ni wa Mlungu,

Isaya 45:9

Shakare iye ahehaye na muumbawe, iye ambaye ni dza chidzandzakaya kahi ya vidzandzakaya virivyo mtsangani. Vino ulongo unaweza kumuuza ye mfinyandziwe, ‘Unatengezani?’ Au kumuamba, ‘Kumanya kutengeza.’

Isaya 46:10

Kula pho mwandzo nátabiri ndigokpwedzahendeka, pho kare nátangaza mambo ndigohendeka. Náamba kukala mipango yangu indafwaulu, nami ndahenda gosi nrigokusudiya kugahenda.

Jeremia 50:24

Nákuhegera muhego uwe Babeli, uchigbwirwa bila kumanya. Nawe waonewa uchigbwirwa, mana wapingana na Mwenyezi Mlungu.

Ezekieli 22:14

Dze, mioyo yenu indaweza kuvumirira na mikono yenu kpwenderera kukala na nguvu ndiphokushuulikirani? Mimi Mwenyezi Mlungu nkaamba, nami nindavihenda.

Danieli 4:35

Osi asagalao duniani taaonewa dza chitu, naye nkuhenda amendzavyo kahi ya viumbe vya mlunguni na kahi ya viumbe vya duniani. Taphana awezaye kumpinga wala kumuuza, “Ukahendani?”

Mathayo 20:15

Dze, nikale sina haki ya kuhenda nilondavyo na pesa zangu? Dze, uzuri wangu unauonera chidzitso?’ ”

Mahendo 1:7

Ela iye achiaambira, “Siro renu kumanya wakati ama majira ambago Baba Mlungu waika, hinyo ni uwezowe mwenye.

Mahendo 5:39

Ela ichikala mambo higa gala kpwa Mlungu, tamundaweza kuazuwiya, richirosala mundadzikuta munashindana na Mlungu.” Hipho, hara angambi akubali maneno ga Gamalieli.

Arumi 11:34

Mana Maandiko ganaamba, “Takuna amanyaye maazo ga Mwenyezi Mlungu, wala ni ani awezaye kumshauri.”

Arumi 9:20

Ela we, u ani hata umuuze Mlungu? Dze, chitu choumbwa chinaweza kushindana na yechiumba na kuuza, “Kpwa utu wani waniumba hivi?”

1 Akorintho 10:22

Huchihenda hivyo, kpwa kpweli hundamuhenda Bwana akale na wivu. Dze, hunafikiri huna nguvu kushinda Bwana? Taiwezekana bii!

Kumbukumbu 29:29

“Mambo ga siri ni ga Mwenyezi Mlungu, Mlungu wehu, ela gara ambago gakaikpwa wazi ni gehu na ana ehu hata kare na kare, ili hugbwire maneno gosi ga shariya hino.”