Ayubu 28:26 - Digo Bible

²⁶ na ariphoikira mvula amuri, na yo njira ya limeme,

Ayubu 28:26 ပူးပေါင်းရင်းမြစ်များ

Ayubu 28:27

hipho ndipho ariphoiona ikima na achiitangaza kukala ina samani, achiichunguza na kuihenda ikale imara.

Ayubu 36:26

Mlungu ni mkpwulu sana hata tahuweza kumanya ukuluwe wosi, miakaye taimanyikana.

Ayubu 36:27

Mana iye nkuvuta dzulu matone ga madzi, na kula kpwa guro, mvula ikanya.

Ayubu 36:29

Takuna amanyaye atandazavyo maingu, wala chiguruguru chibandavyo kula kpwakpwe.

Ayubu 36:32

Iye nkugbwiririra limeme mwakpwe mikononi, na kurihuma kura alondako.

Ayubu 37:11

Mlungu nkuhenda maingu maziho gakakala madzi, nkutsamusa limeme kutsupira gago.

Ayubu 37:2

Phundzani kpwa makini ko kunguruma kpwa sautiye, na nyo mngurumo utulukao mwakpwe kanwani.

Ayubu 37:3

Nkurichira limeme tsini ya mlunguni kosi, na kurihuma hata mwisho wa dunia.

Ayubu 37:4

Bada ya riro chiguruguru nkururuma, iye nkunguruma kpwa sautiye kulu. Atuluzapho sautiye, kazuliya ro limeme.

Ayubu 37:6

Mana nkuambira barafu, ‘Gbwa dzulu ya tsi,’ na mawasa, ‘Kala mvula kulu.’

Ayubu 38:25

Ni ani ariyetsimba mtaru hewani kpwa ajili ya mvula nyinji, au kutengezera njira limeme?

Ayubu 38:26

Ni ani ariyehenda mvula inye phatu phasiphokala na atu, yani jangbwani kusikokala na mwanadamu,

Ayubu 38:27

ni ani areheraye mvula tsi ya chitsapi isiyo na chitu, na kuihenda imere nyasi?

Zaburi 135:7

Iye ndiye ahendaye maingu gakazuka, chila pembe za dunia atengezaye limeme ra mvula, na kureha phepho kula kpwenye nyumbaze za kuika hazina.

Zaburi 148:8

moho na mvula ya mawe, barafu na maingu phuto ritimizaro shariyaye!

Misemo 8:22

Mwenyezi Mlungu waniumba mwandzo wa kaziye, kabila kadzangbweumba chochosi.

Jeremia 14:22

Dze, kahi ya yo milungu ya mataifa ganjina kuna anayeweza kureha mvula? Au ko mlunguni kunaweza kureha mvula kpwenye? Uwe macheyo ndiwe uwezaye, ee Mwenyezi Mlungu, Mlungu wehu! Uwe ndiwe kuluphiro rehu, mana uwe ndiwe uhendaye gaga gosi.

Amosi 4:7

“Chisha nchizuwiya mvula isinye kpwenu wakati kala bado miezi mihahu mguwe. Náhenda mvula inye mudzi mmwenga, na kuhenda mvula isinye mudzi wanjina. Munda mmwenga uphahe mvula na nyo munda ambao tauyaphaha mvula unyale.

Zakariya 10:1

Mvoyeni Mwenyezi Mlungu akupheni mvula wakati wa mwaka, mana iye ndiye arehaye maingu ga mvula. Iye nkuapha atu mawasa ga mvula, na kumupha chila mmwenga mimea ya mundani.