Ayubu 28:18 - Digo Bible

¹⁸ Ikima ina samani kuriko fezaluka na bilauri, beiye inatsupa ya lulu.

Ayubu 28:18 ပူးပေါင်းရင်းမြစ်များ

Misemo 20:15

Kuna zahabu na unji wa mawe ga samani, ela chitu cha samani chisichophahikana sana ni neno ra marifwa.

Misemo 3:13

Baha mutu aphahaye ikima, na mutu awezaye kuelewa.

Misemo 3:15

Ikima ni bora kuriko mawe ga samani, takuna chitu chochosi cha kuazika chinachoweza kulengana nayo.

Misemo 31:10

Mchetu wa tabiya nono, ni ani awezaye kumphaha? Samaniye inashinda ya alimasi.

Misemo 8:11

Mana ikima ni bora kuriko mawe ga samani sana na chitu chochosi unachochiaza tachilengana nayo.

Sonono za Jeremia 4:7

Vilongozie akala ereru dza barafu na ereru kutsupa maziya, miri yao yakala na afya na nguvu, na madzeni ga miri yao gakala dza dziwe ra samani riihwaro yakuti samawi.

Ezekieli 27:16

Aramu yahenda bishara nawe kpwa sababu ya vituvyo vinji uguzavyo, akakanize vituvyo na zumaridi, nguwo za katani swafi, za zambarau, za kushonwa marembo, marijani na akiki.

Mathayo 7:6

“Musitsuphire madiya vitu vya Mlungu gasedze gakakungʼatani. Piya musitsuphire nguluwe lulu zenu asedze akazivyoga-vyoga.

1 Timothi 2:9

Piya nalonda achetu aonekane kukala na adabu nono na avwale nguwo nono za ishima. Tsona naasidzishuulishe kudzisonga nyere wala kudzipamba kpwa kuhumira vitu vya zahabu, vya lulu, na mavwazi ga gali.

Maono 17:4

Mchetu hiye kala akavwala nguwo za rangi ya zambarau na rangi ya kundu. Tsona kala akadzipamba na lulu na zahabu na vingojo-ngojo vya gali sana. Mwakpwe mkpwononi kala akagbwira chikombe cha zahabu ambacho kala chikaodzala vitu vikolo vya nyo udiyawe.

Maono 18:12

Takuna mutu tsona wa kugula miyo yao ya zahabu, feza, lulu wala mawe ga samani. Takuna agulaye nguwo za zambarau, za kundu na za hariri. Tsona takuna agulaye udi, wala vitu vya aina yoyosi vitengezwavyo na pembe za ndzovu, vya mbao za gali, wala vya shaba, chuma ama marumaru.

Maono 21:21

Yo miryango kumi na miiri yosi kala ikatengezwa na lulu. Chila mryango kala ukatengezwa na lulu mwenga bahi! Barabara kulu ya nyo mudzi kala ukatengezwa na zahabu swafi, yokala inangʼala-ngʼala dza chilolo.