Ayubu 20:25 - Digo Bible

²⁵ Muvwi undafutwa kula mwakpwe mwirini, chigumba chakungʼala chindamuhumbula chihumbo utsungu, naye andainjirwa ni wuoga.

Ayubu 20:25 ပူးပေါင်းရင်းမြစ်များ

2 Samueli 18:14

Ndipho Joabu achiamba, “Siweza kuangamiza wakati dza huno na uwe.” Achihala mafumo mahahu mwakpwe mkpwononi naye achimdunga Abusalomu moyoni, ariphokala achere moyo analewalewa dzulu ya mwaloni.

Ayubu 15:21

Sauti za kuogofya nkuodzala mwakpwe masikironi wakati akaongokerwa, andavamiwa ni nyo atekao nyara.

Ayubu 16:13

Atue a maha akanizangira, anaahula figo zangu bila ya kunionera mbazi, anamwaga chihumbo utsungu changu photsi.

Ayubu 18:11

Vitisho vindamtiya wuoga chila uphande, navyo vindamzoresa lunyolunyo.

Ayubu 18:14

Chifo chindamuhala kula mwakpwe hemani arimokuluphira, na chindamphirika kpwa mfalume wa vitisho.

Ayubu 27:20

Vitu vya kuogofya vindamwedzera dza mafuriko, usiku chikulukulu nkumuhala.

Ayubu 6:4

Mana nikalatswa ni iye Mwenye Nguvu Zosi, roho yangu ikakola yo sumuye Mlungu akapanga vitishovye chinyume changu.

Zaburi 7:12

Ichikala mutu katubu, Mlungu andanola upangawe, andaphinda uhawe tayari kuuhumira.

Zaburi 73:19

Anaangamizwa gafula na kutsuphiwa kure kpwa vitisho.

Zaburi 88:15

Nágaya hangu wanache wangu, nágaya karibu kufwa. Unanitishira hata ninakakama kpwa chiwewe, nami nkakata tamaa!

2 Akorintho 5:11

Hunamanya kala Mlungu andaamula atu osi, kpwa hivyo hunahenda chadi kuabembeleza atu amkuluphire. Mlungu mwenye anahumanya vinono, na anamanya huhendaro; nami naaza kala mwimwi namwi mnamanya huhendaro.

Kumbukumbu 32:41

ndiphonola upanga wangu unaomeka-meka, na mkpwono wangu ndiphokala tayari kulavya hukumu, nindagariphiza chisasi maadui gangu, nindaaripha hara nyo nimena.