27 Mimi nindamuona na matso gangu gandamlola, naye si wanjina. Moyo wangu unamgodzera kpwa hamu!
Iye nkuvoya na Mlungu nkukubali mavoyoge, nkumuabudu Mlungu kuno ana raha. Iye andasemurira ayae vira Mlungu arivyomtivya na chifo.
Mwenyezi Mlungu a uphande wangu, nami sindaogopha chochosi. Mwanadamu andanihendani?
Roho yangu ikaremwa kpwa kugodzera wokofuo, ela nikaika tumaini rangu kahi ya nenoro.
Ela kpwa vira ni mwenye haki, nindaona usoo. Ndipholamuka ndahererwa kukuona.
Mwiri wangu na moyo wangu vinaweza kushindwa, ela Mlungu ndiye autiaye nguvu moyo wangu na ndiye mtalo wangu hata kare na kare.
Atu ariofwa andafufuka tsona. Lamukani muimbe na raha mwimwi mkalao vumbini dza manena gahendavyo tsi kavu ikamera nyasi, ndivyo Mwenyezi Mlungu ndivyofufula atu ariofwa.
Siku mwenga undamuona mfalume arivyo mnono. Undalola uone tsi anayoitawala irivyo kulu na pana ya kufika kure.
Nrigoona kpwenye ruwiya tagadzangbwetimiya. Ela siku mwenga kundatsembuka mfalume dza nyenyezi, kula kpwa Jakobo, fwimbo ya utawala hiko Iziraeli. Iye andakuolagani mwimwi Amoabu, na kuangamiza atu osi a Sethi.