Ayubu 19:14 - Digo Bible

¹⁴ Atu angu akaniricha, na asena angu akaniyala.

Ayubu 19:14 ပူးပေါင်းရင်းမြစ်များ

Mwandzo 40:23

Ela yuya mlavyadzi uchi mkpwulu wayala gara goambirwa ni Yusufu.

2 Samueli 16:23

Siku hizo mashauri arigolavya Ahithofeli gakala dza neno rilaro kpwa Mlungu. Hivyo ndivyo Daudi na Abusalomu arivyoishimu mashauri gosi ga Ahithofeli.

Ayubu 19:15

Ajeni angu akaniyala, na atumishi angu achetu ananiona avi ni mjeni, ananiika sawa na atu akuhenda kpwedza.

Ayubu 19:19

Asena angu osi a kurya na kuusa akanitsukirirwa, nriokala naamendza, akanitsamalala.

Ayubu 42:11

Phahi Ayubu walokerwa ni nduguze osi, alume na achetu na osi ariomanyana naye pho kare, nao osi achirya naye chakurya mwakpwe nyumbani. Achimupha pore na kumphoza marenda kpwa mai gosi ambago Mwenyezi Mlungu kala akagaruhusu gamuphahe. Chila mmwenga achimupha Ayubu chipande cha feza na pehe ya zahabu.

Zaburi 31:12

Chila mmwenga akaniyala, avi nafwa. Nkakala dza nyungu yovundzika.

Zaburi 38:11

Asena angu na ayangu akanitenga kpwa sababu ya mateso gangu abari angu piya a kure nami.

Misemo 18:24

Kuna asena ambao anaweza kukubwaga, ela kuna msena awezaye kukala muaminifu kuriko mwenenu chihumbo.

Jeremia 20:10

Násikira anji achigomba pokopoko kunihusu, nao ananiogofyera chila uphande, aho anaamba “Mshitakini, nahumshitaki!” Asena angu a kurya na kuusa, ananiazira mai. Aho anaamba, “Mendzerepho andachengeka, ndipho humturye na hudziriphize.”

Sonono za Jeremia 1:2

Iye nkurira sana wakati wa usiku, matsozi gakajera mwakpwe mafundani. Kahi ya azembee osi taphana wa kumphoza marenda, asenae osi amsalata, aho akakala maaduige.

Mathayo 10:21

“Mutu andafyakatsira nduguye aolagbwe, baba andamfyakatsira mwanawe, nao ana andaagalukira avyazi aho aafyakatsire ili aolagbwe.

Johana 13:18

“Hivi nchivyogomba, sikagomba kuhusu mwimwi mosi. Mana chila mmwenga nriyemtsambula nammanya arivyo. Ela ni lazima Maandiko gatimiye, gaambago, ‘Mutu yerya mkpwahe phamwenga nami, ndiye yenigalukira.’