Arumi 7:24 - Digo Bible

^24-25 Ni shaka rani rino? Mimi mwenye nalunga Shariya za Mlungu na achili zangu, ela asili yangu ya chibinadamu inalunga shariya ya dambi. Ni ani ndiyenitivya na hino nguvu ya dambi, ili Mlungu asitengane nami? Namshukuru Mlungu kpwa sababu ya Bwana wehu Jesu Masihi!

Arumi 7:24 ပူးပေါင်းရင်းမြစ်များ

1 Afalume 8:38

mutu mmwenga au Aiziraeli osi achikuvoya rorosi, chila mmwenga achikala anamanya shidaye na sononoye, achiunula mikonoye kuloza nyumba hino,

Zaburi 102:20

asikize chiriro cha mabusu na kuarichira ariokala akahukumiwa kuolagbwa,

Zaburi 119:131

Mromo wangu u laza na navumahika, kpwa kuaza sana malagizogo.

Zaburi 119:143

Nkaphaha tabu na mashaka, ela malagizogo gananihenda nihamirwe.

Zaburi 119:176

Nkatanga-tanga dza ngʼondzi chiroangamika, niendza mimi mtumishio, mana siyala malagizogo.

Zaburi 119:20

Roho yangu inaluma kpwa kuaza kumanya shariyazo wakati wosi.

Zaburi 38:2

Mana miviyo ikanidunga na mkpwonoo ukanifyeha.

Zaburi 6:6

Nikaremwa kpwa sababu ya kuula; chila usiku nalwamisa chitanda changu na matsozi, muto wangu ukalwama kpwa chiriro.

Zaburi 71:11

Na anaamba, “Mlungu akaniricha, mlungeni mkamgbwire mana taphana mutu wa kumtivya.”

Zaburi 72:12

Mana andamkombola achiyetsowekpwa amuririraye na mgbwayi asiye na mutu wa kumterya.

Zaburi 88:5

ni dza mutu achiyerichwa kahi ya nyufu, ni dza arioolagbwa arereo mbirani, atu ambao uwe kuatambukira tsona, mana kuna rorosi uahenderaro tsona.

Ezekieli 9:4

Naye Mwenyezi Mlungu achimuamba, “Tsupira ndani ya mudzi wosi wa Jerusalemu na utiye alama vilanguni mwa hara ambao anasononeka na kurira kpwa sababu ya mambo ga kutsukiza gahendwago mumo.”

Mika 7:19

Undahuonera tsona mbazi dambi zehu undaziturya avi ukazivyoga vyoga photsi na uyi wehu undautsupha kpwenye vivwa vya bahari.

Mathayo 5:4

Baha asononekao, mana Mlungu andaapha pore.

Mathayo 5:6

Baha ahirikao na ndzala na chiru ya kuhenda vira Mlungu alondavyo, mana mundamvuniswa.

Luka 4:18

“Roho Mtakatifu a phamwenga nami, mana wanitsambula niarehere achiya habari nono. Akanihuma niatangazire afungbwa kuvugulwa kpwao na niatangazire vipofu kala andaona, kuaika huru aonerwao,

Arumi 6:6

Kpwa mana utu wehu wa kare waolagbwa phamwenga na Jesu msalabani, ili asili zehu za chibinadamu za kumendza kuhenda dambi zibanangbwe, na husienderere kukala atumwa a dambi tsona.

Arumi 8:13

Mana muchikala na masagazi galungago asili ya chibinadamu, mundafwa, ela muchiricha kuhenda mahendo mai kpwa uwezo wa Roho Mtakatifu, kpwa kpweli mundasagala na Mlungu hata kare na kare.

Arumi 8:2

Mana, kpwa sababu ya Masihi Jesu, mwaikpwa huru msitawalwe ni dambi irehayo chifo. Mwaphokera Roho Mtakatifu alavyaye uzima wa kare na kare, na ndiye anayekuikani huru.

Arumi 8:23

Chisha phahi, si viumbe macheye viulavyo, ela hata sisi, huriohewa Roho Mtakatifu kutatiswa manono ndigophaha, naswi hunaula mwehu mioyoni. Mana hunagodza Mlungu ahuphe haki yosi ya kukala anae, yani kuhupha miri miphya yohulaga.

Arumi 8:26

Phamwenga na higo, Roho Mtakatifu nkuhuterya katika unyonje wehu, mana tahumanya kuvoya wala hata cho chakumvoya Mlungu. Ela Roho Mtakatifu mwenye nkuhuvoyera kpwa Mlungu na chiriro cha utsungu ambacho tahuweza kuchisemurira.

Akolosai 2:11

Mriphomkuluphira ni kama avi mwatiywa tsatsani kpwa njira ya chimacheye. Mutu achitiywa tsatsani seemu ndide ya mwiri ndiyo iuswayo. Ela mriphomkuluphira Jesu, wakuusirani uwezo wa asili zenu za chibinadamu ili zisikutawaleni tsona.

2 Timothi 4:18

Naye Bwana andanitivya na chila hendo ra uyi, na anitsukule salama hadi mlunguni kusagala na atue. Mlungu naatogolwe hata kare na kare. Amina.

Tito 2:14

Wadzilavya ili ahukombole na uyi wosi na ahutakase hukale atue mwenye, ario na hamu ya kuhenda manono.

Aeburania 2:15

na waika huru atu osi ariokala atumwa kpwa kuogopha chifo mwao maishani.

Maono 21:4

Andafuta matsozi gao gosi. Wakati hinyo atu taandafwa wala kusononeka. Takundakala na chiriro wala kulumwa, mana zo hali za kare zindakala zatsupa.”