Arumi 15:4 - Digo Bible

⁴ Na gosi garigoandikpwa hipho kare, gaandikpwa ili kuhufundza swiswi. Huchivumirira, gago ganahutiya moyo ili hukale na kuluphiro.

Arumi 15:4 ပူးပေါင်းရင်းမြစ်များ

Zaburi 102:18

Mambo higa nagaandikpwe phatu kpwa sababu ya vivyazi vyedzavyo, ili ndiovyalwa badaye aweze kumtogola Mwenyezi Mlungu.

Zaburi 119:50

Utu unaoniphoza marenda wakati wa kugaya kpwangu ni kukala ahadiyo inanipha uzima.

Habakuki 2:2

Mwenyezi Mlungu achinijibu achiniamba, “Hizi ruwiya ziandike chingʼangʼa dzulu ya myalawe ili chila ndiyetangazira atu akale andagasoma kpwa urahisi.

Arumi 12:12

Hererwani mana kuluphiro renu ri kpwa Mlungu. Mchiphaha mashaka vumirirani, wala msiremwe kuvoya Mlungu.

1 Akorintho 10:11

Phahi mambo higo gaaphaha atu hinyo ili gakale mifwano kpwehu, nago gaandikpwa ili gahukanye swiswi ambao hunaishi siku za mwisho.

1 Athesalonike 1:3

Mana wakati hunavoya Baba Mlungu hukutambukira mahendo manono muhendago kpwa sababu ya kuluphiro renu. Hukutambukira vira mendzwa yenu inavyokuhendani muhende kazi kpwa chadi, na vira muendereravyo kukala na uhakika wa kukala Bwana wehu Jesu Masihi andauya.

1 Petero 1:13

Kpwa hivyo kalani atu a kufikiriya kabila ya kuhenda dzambo rorosi na mkale na chiasi. Kalani na tumaini ra wokofu wa Mlungu mndiophaha hipho Jesu Masihi ndiphokpwedzadzionyesa wazi.