Alawi 26:36 - Digo Bible

³⁶ Na hinyo ayawenu ndiosala ndaatiya wuoga kpwenye tsi ya maadui gao chiasi cha kukala hata sauti ya kodza rinarophepheruswa indaaondosa azole. Phahi aho andazola dza mutu anayechimbira viha. Andazola na kugbwa hata napho taphana mutu anayeazoresa.

Alawi 26:36 ပူးပေါင်းရင်းမြစ်များ

Mwandzo 35:5

Jakobo na anae ariphokala anauka, atu a midzi ya jirani atiywa wuoga munji ni Mlungu hata taawezere kuavamia.

Mwandzo 4:12

Uchirima munda, kundaphaha rorosi. Undadengereka na kundakala na makalo phapha duniani.”

2 Nyakati 14:14

Alafu apiga midzi yosi yokala kanda-kanda ya Gerari mana enyezi a midzi iyo kala akainjirwa ni wuoga wa Mwenyezi Mlungu. Midzi yosi aihala zewe mana kala ina vitu vinji sana.

Ayubu 13:25

Dze, undaogofyera kodza riphepheruswaro ni phepho? Na kuzoresa wiswa mkavu?

Zaburi 53:5

Aho andainjirwa ni wuoga ambao taadzangbweuona! Mana Mlungu andatsamula mifupha ya asiomendza Mlungu, andatiywa waibu mana Mlungu andaarema.

Zaburi 53:6

Mendza kala wokofu wa Iziraeli ungekpwedza kula Sayuni! Mlungu ndiphohenda atue aongokerwe tsona, atu a chivyazi cha Jakobo andashangiliya, atu a Iziraeli andahererwa.

Zaburi 89:43

Ee, ukahenda silahaze zikale mabutu, na kukamterya vihani.

Misemo 28:1

Atu ayi nkuchimbira dzagbwe taazoreswa, ela enye haki ni jasiri dza simba.

Isaya 30:17

Atu elufu mwenga andazolwa ni mutu mmwenga na kundi zima rindazolwa ni atu atsano bahi. Achache enu ndiotiya andakala dza mlingoti wa bendera dzulu ya chidzango.

Isaya 7:2

Mfalume Ahazi wa chivyazi cha Daudi ariphoasikira kukala Shamu ikaungana na Iziraeli, iye na atue agbwirwa ni wuoga, achikakama dza mihi ya tsakani isumbiswavyo ni phepho.

Isaya 7:4

Kamuambire, adzimanyirire, ahurire, asiogophe wala asivundzike moyo kpwa sababu ya hasira siru ya Resini wa Shamu na mwana wa Remaliya, mana aho ni dza vinga viiri vifukavyo mosi chivyotuluzwa kula mohoni.

Jeremia 37:10

Na hata mchiturya jeshi rosi ra Babeli munaropigana naro hata asale achiolumizwa bahi mwao mahemani, aho andaunuka edze aoche mudzi uhu.’ ”

Jeremia 46:16

Anajeshi enu adzikpwala achigbwa, nao achiambirana, ‘Nahuunukeni huuye kpwa atu ehu kpwenye tsi huriyovyalwa, huchimbire upanga wa nyo ahulumizao.’

Sonono za Jeremia 1:3

Atu a Juda akalazimishwa kuphiya kure na kpwao kpwa sababu ya mateso na kuhendeswa kazi ngumu. Vivi anasagala kahi za mataifa, nao taaphaha phatu pha kuoya, osi anaomzoresa akamgbwira na kana phatu pha kuchimbirira.

Sonono za Jeremia 1:6

Ngumaye yosi ikamuukira iye mwana mchetu wa Sayuni. Vilongozie akakala dza kulungu asiokala na marisa. Anachimbira ela taana mkpwotse mbere ya iye aazoresaye.

Sonono za Jeremia 4:19

Nyo ariohuzoresa kala ni epesi kuriko makozi ko mlunguni ahuzoresa ko myangoni, achihuoteya ko weruni ahugbwire.

Ezekieli 21:12

We mwanadamu, kota kululu urire kpwa utsungu mana upanga u chinyume cha atu angu chinyume cha vilongozi osi a Iziraeli. Akalaviwa aolagbwe na upanga phamwenga na atu angu, kpwa hivyo dzihike mikono ya chitswa kpwa kuangalala.

Ezekieli 21:15

Phahi atu andavundzika mioyo na anji afwe. Nindaika upanga kahi za maryango gao gosi. Uho wahendwa umeke-meke dza limeme, walaviwa uolage.

Ezekieli 21:7

Na ndiphokuuza, ‘Kpwa utu wani unahula?’ nawe undaambira, ‘Nasononeka kpwa sababu ya zo habari za mambo ndigokpwedza. Atu andavundzika mioyo na mikono yao irejere, atu andafwa purungire na adzikodzorere magulu kpwa mchecheta.’ Nago ga phephi na kuhendeka, mimi Mwenyezi Mlungu nkaamba.”

Hosea 8:3

Ela Aiziraeli andazoreswa ni maadui, kpwa sababu akakahala kuhenda manono.

Alawi 26:17

Nindakulozerani kogo ili mpigbwe ni maadui genu. Hara anaokutsukirirwani andakutawalani namwi mundachimbira kpwa wuoga hata napho taphana anayekuzoresani.

Alawi 26:35

Wakati tsi ndiphokala ikarichwa bila chitu, indaoya kpwa kukala taiyioyezerwe wakati wa Miaka ya Kuoya mriphokala munasagala himo.

Kumbukumbu 1:44

Hipho, Aamori ariokala anasagala seemu iyo ya myango atserera kukushambuliyani dza vira nyuchi ahendavyo. Achikupigani kula mwango Seiri hadi phatu phoihwa Horima.

Joshuwa 5:1

Afalume osi a Aamori ariosagala ngʼambo ya mtswerero wa dzuwa wa muho Joridani, na afalume a Akanani ariosagala pwani ariphosikira kukala Mwenyezi Mlungu akaumisa madzi ga Joridani kpwa sababu ya atu a Iziraeli hadi achivuka, nao akakama kpwa wuoga, na kusira nguvu kpwa kuogopha Aiziraeli.

Joshuwa 7:5

Aiziraeli mirongo mihahu na sita aolagbwa ni atu a Ai. Achiazoresa kula kondze ya ryango ra mudzi hadi Shebarimu ambako Aiziraeli anji aolagbwa mavoromokoni. Nao Aiziraeli mioyo yao ichiinjira wuoga.

1 Samueli 17:24

Go majeshi ga Aiziraeli gariphomuona hiye mutu, osi gamuogopha sana na gachichimbira.