Alawi 25:36 - Digo Bible

³⁶ Usimtake akuriphe fwaida ya aina yoyosi. Ela muogophe Mlungu, ili nduguyo aphahe kusagala phamwenga namwi.

Alawi 25:36 ပူးပေါင်းရင်းမြစ်များ

Nehemia 5:15

Ela nyo maliwali arionitanguliya ahika atu mizigo miziho, achihala vipande mirongo mine vya feza kanda na chakurya na uchi. Hata atumishi aho aonera atu. Ela mimi sihendere hivyo kpwa kumuogopha Mlungu.

Nehemia 5:3

Kuchikala na anjina arioamba, “Hwaika mzamana minda yehu, mizabibu yehu, nyumba zehu ili huphahe mtsere kpwa sababu ya ndzala.”

Zaburi 15:5

Ni yuya ambaye achiaphasa pesa, kalonda fwaida, na kahala hongo ili aonere asio na makosa. Mutu ahendaye higa kandakakamiswa ni utu ta kare na kare.

Kutsama 22:24

nindatsukirwa na nikuolageni kpwa upanga, ili achetu enu nao akale magungu na ana enu nao akale anachiya.

Kutsama 22:25

Uchimuaphasa mchiya kahi za atu angu, muaphase kare tu, wala usimtake fwaida dza vira aguzi a pesa ahendavyo.

Misemo 28:8

Mutu aenjerezaye utajiriwe kpwa kuhala riba kulu na fwaida kulu anamkusanyira mutu ndiyeonera mbazi achiya.

Isaya 24:2

Na indakala irivyo hali ya atu ndivyo hali ya mlavyadzi-sadaka ndivyokala, irivyo hali ya mtumwa ndivyo hali ya tajiriwe ndivyokala, irivyo hali ya muhendadzi-kazi mchetu ndivyo hali ya tajiriwe mchetu ndivyokala, irivyo hali ya agulaye ndivyo hali ya aguzaye ndivyokala, irivyo hali ya aaphasaye ndivyo hali ya aaphaswaye ndivyokala.

Jeremia 15:10

Ee maye mino! Baha kala sivyarirwe! Chila mmwenga tsi yosi ananipinga na kuheha nami. Sidzangbweaphaswa ni mutu wala kuaphasa mutu yeyesi ela osi ananilani.

Ezekieli 18:13

na nkuaphasa kpwa lengo ra kuphaha fwaida kulu, vino mutu ye andakala moyo? Kpwa kpweli mutu iye kandaishi, ela andafwa kpwa kukala wahenda mambo ga kutsukiza na lawama ra chifoche rindakala dzuluye mwenye.

Ezekieli 18:17

nkudzizuwiya kuhenda dambi, kaaphasa ili aphahe fwaida, ela nkulunga shariya zangu na malagizo gangu, kpwa kpweli mutu iye andakala moyo na kandafwa kpwa sababu ya dambi za ise.

Ezekieli 18:8

Mutu iye kaaphasa ili aphahe fwaida, ela nkuepusha mkpwonowe usihende mai, nkuhukumu kpwa haki kahi ya mutu na myawe

Ezekieli 22:12

Mo mwako, atu anahongbwa akaolage atu. Anaaphasa ili aphahe fwaida, anaphaha mapato gasigo ga haki kpwa kuonera Aiziraeli ayawao na kuniyala mimi, Mwenyezi Mlungu anaamba.

Alawi 25:17

Msionerane, ela muogopheni Mlungu wenu. Mimi, ndimi Mwenyezi Mlungu, Mlungu wenu.

Alawi 25:37

Usimuaphase feza na ukalonda akuriphe na fwaida au uchimguzira chakurya usimtoze zaidi.