Alawi 19:32 - Digo Bible

³² “Napho u phephi na mtumia mwenye komvwi ima ili umuphe ishima; muogophe Mlunguo. Mimi, ndimi Mwenyezi Mlungu.

Alawi 19:32 ပူးပေါင်းရင်းမြစ်များ

Mwandzo 31:35

Phokala achere endza, Raheli wamuambira ise, “Hai baba, usinireyere ela siweza kuima phako matsoni mana nina ga chichetu.” Labani waendza ela kayaphaha chitu.

Mwandzo 48:12

Halafu Yusufu waausa magoni pha ise na achimgbwerera ise maguluni.

1 Afalume 2:19

Phahi, Bathisheba wainjira kpwa mfalume Selemani kpwendabisha naye kpwa niaba ya Adonija. Mfalume waunuka kumkaribisha nine, achimzamira, halafu, achisagarira chihiche cha ufalume. Walagiza nine areherwe chihi naye achisagala uphande wa kulume wa mfalume.

2 Afalume 17:36

Mundaniabudu mimi Mwenyezi Mlungu, ambaye nákutuluzani Misiri kpwa uwezo na nguvu nyinji. Mundazama mbere zangu mimi na kunilavira sadaka.

Ayubu 32:4

Phahi Elihu kala akagodzera agombe na Ayubu, mana nyo anjina kala ni avyere kuriko iye.

Ayubu 32:6

Ndipho Elihu mwana wa Barakeli, wa mryango wa Buzi achiamba, “Mimi ni mdide kpwenu, namwi muavyere kuriko mimi, ndiyo mana náogopha kukuambirani go nimanyago.

Misemo 16:31

Kukala na komvwi za utumiani ni tadzi ya ishima; ziphahwa ni mutu anayeishi maisha ga haki.

Misemo 20:29

Nguma ya mabarobaro ni mkpwotse wao, na unono wa atumia ni vitswa vyenye komvwi.

Misemo 23:22

Musikize sowe ariyekuvyala, wala usimʼbere mayoo achikala mkare.

Isaya 3:5

Atu andaonerana, mutu andaonera myawe, jirani andaonera jiraniwe. Anache andadzikarya mbere za avyere, mutu wa hali ya photsi andadzikudula mbere za mutu anayeishimiwa.

Sonono za Jeremia 5:12

Vilongozi afungbwa mikowa mikononi achileweswaleweswa, atumia taahewa ishima.

Alawi 19:14

Usimlani masito wala kumuikira chipofu chitu cha kumuhenda akpwale, ela muogophe Mlunguo. Mimi, ndimi Mwenyezi Mlungu.

Arumi 13:7

Phahi mupheni chila mutu hakiye. Ichikala unatakpwa uriphe kodi, ni uriphe; ichikala kuna mutu fulani ni aishimiwe, phahi muishimuni.

1 Timothi 5:1

Usidemurire mtumia, ela gomba naye kpwa ishima dza viratu ugombavyo na sowe. Ahendereto barobaro ayao dza viratu ambavyo unahendera nduguzo.

1 Petero 2:17

Ishimuni atu osi na mmendze afuasi ayawenu. Muogopheni Mlungu na muishimu mtawala wenu.