Alawi 19:13 - Digo Bible

¹³ “Usimuonere wala kumnyangʼanya myao vituvye. Usilale bila kumripha mchibaruwao.

Alawi 19:13 ပူးပေါင်းရင်းမြစ်များ

Ayubu 17:5

Afyakatsiraye asenae ili aphahe fwaida, matso ga anae gandafunga jiza.

Ayubu 31:39

na kurya mavunoge bila ya kugariphira, na kusababisha chifo cha enye munda,

Ayubu 7:2

Dza mtumwa agodzeravyo kpwa hamu masaa gafike, dza mchibaruwa agodzeravyo mariphoge,

Kutsama 20:15

“Usiiye.

Kutsama 22:13

Napho achagbwirwa na akaolagbwa ni nyama a tsakani, naamuhale amrehe dza ushaidi, na asiriphe chochosi.

Kutsama 22:15

Ela napho wakati hiye nyama analumira au anafwa mwenye kala a phapho, hiye mvoyi kandaripha chochosi. Na ichikala kala akahenda kukodishwa, hiye mvoyi andaripha pesa za kukodisha macheye.”

Kutsama 22:21

Musiahendere mai ajeni, wala kuaonera, mana mwimwi namwi mwakala ajeni kpwenye tsi ya Misiri.

Kutsama 22:7

“Mutu achimupha myawe pesa au vitu aikirweto, halafu hizo pesa au hivyo vitu viiywe, hiye muivi achigbwirwa au achimanyikana, andaripha kano mbiri ya vitu hivyo.

Misemo 20:10

Vipimo visivyo vya sawa na pishi zisizo pima sawa, zosi zinatsukiza Mwenyezi Mlungu.

Misemo 22:22

Usionere mchiya kpwa kukala ni mchiya wala hiko kotini usimlafye mchiya hakiye.

Misemo 3:28

Usimuambire jiranio, “Phiya wedze muhondo, nindakpwedza nkuphe,” ichikala cho chitu unacho phapho.

Jeremia 22:13

Mwenyezi Mlungu anaamba, “Shaka hiro kpwa yeyesi adzengaye nyumbaye isiyo uaminifu, na vyumba vya dzulu bila haki; ahendaye jiraniwe amuhumikire bila maripho, amuhende myawe ahende kazi bila mshahara.

Jeremia 22:3

Mwenyezi Mlungu anaamba kukala muhende ga haki na garigo sawa. Mteryeni achiyetiywa mikononi mwa atu ayi achiomuiyira malize. Musiahendere mai ajeni, anachiya na magungu wala msimwage mlatso wa mutu asiye na makosa kahi ya tsi ihi.

Ezekieli 18:7

Iye kaonera mutu ela nkumuuyizira mdeniwe mzamaniwe. Kafuta mutu maliye kpwa nguvu ela nkuaganyira andzala chakuryache na kuapha nguwo ario chitsaha.

Ezekieli 22:12

Mo mwako, atu anahongbwa akaolage atu. Anaaphasa ili aphahe fwaida, anaphaha mapato gasigo ga haki kpwa kuonera Aiziraeli ayawao na kuniyala mimi, Mwenyezi Mlungu anaamba.

Ezekieli 22:29

Nyo asagalao kahi ya yo tsi anaonera atu na kuanyangʼanya; anaagayisa achiya na agayi, piya anahendera uyi ajeni na kualafya haki zao.

Alawi 25:14

Unaphogula au kuguzira myao munda usimuonere.

Alawi 25:17

Msionerane, ela muogopheni Mlungu wenu. Mimi, ndimi Mwenyezi Mlungu, Mlungu wenu.

Alawi 6:3

au akaphaha chitu cha myawe choangamika na aambe kayachiona, au agombe handzo kpwa kuapa, au kuhenda dambi dza zizo zihendwazo ni atu.

Malaki 3:5

Mwenyezi Mlungu, Mlungu wa majeshi anaamba, “Nami nindasengera phephi namwi nilavye uamuli. Nindalavya ushaidi upesi chinyume cha atsai, azinifu, anaoapa na handzo, anaoakopya vibaruwa katika maripho gao, anaoonera magungu na anachiya na anaonera atsupi a njira, jibu osi ambao taaniogopha.”

Mathayo 20:8

“Dziloni, yuya mchina-munda wa mizabibu wamuiha mwiiki wa pesa na achimuamba, ‘Iha vibaruwa osi uariphe haki yao, kuandzira hara a mwisho na umarigize na hara a mwandzo.’

Mariko 10:19

Avi unamanya malagizo ga Mlungu: ‘Usiolage, usizini, usiiye, usizige myao na dzambo ra handzo, usichenge, tsona muishimu sowe na mayoo.’ ”

Luka 3:13

Naye achiaambira, “Msitoze kodi zaidi ya chipimo choikpwa.”

1 Athesalonike 4:6

Phahi mutu naasimkosere myawe hata chidide kuhusu dzambo hiri. Mana hwakuambirani kare na huchikukanyani kukala Bwana Jesu andaatiya adabu kali ahendao mambo higo.

1 Timothi 5:18

Mana Maandiko ganaamba, “Ngʼombe ichikala inawaga mtsere usiifunge mlomo.” Piya Maandiko ganaamba, “Muhendadzi-kazi anafwaha kuphaha mariphoge.”

Jakobo 5:4

Lolani! Mwarema kuripha atu ariokuhenderani kazi mwenu mindani. Nayo mishahara ambayo taiyariphiwa inakuririrani. Chiriro cha hinya avunadzi chamfikira Mwenyezi Mlungu, Mlungu wa majeshi.