Agalatia 6:2 - Digo Bible

² Teryanani tabu zenu, namwi mundakala munatimiza malagizo ga Jesu.

Agalatia 6:2 ပူးပေါင်းရင်းမြစ်များ

1 Nyakati 19:12

Joabu achiamba, “Uchiona kukala Aaramu ananizidi nguvu, ndzo uniterye, nami nchiona kukala Aamoni anakuzidi nguvu, nindakpwedza nikuterye.

Kutsama 23:5

Uchimuona punda wa aduio akagbwa na mizigo na kaweza kungʼoka, usimpaze ukamtsupa, phiya ukamterye kumuimisa.

Isaya 58:6

Kufunga nrikokutsambula mimi ni hiku: Ni kuusa silisili za uyi na gogolo ra kuonerana, kuaika huru atu aonerwao, na kubananga chila aina ya utumwa.

Mathayo 8:17

Phahi gosi higa gahendeka ili ritimiye rira neno rogombwa ni nabii Isaya, roamba, “Wahuusira unyonje wehu na makongo gehu.”

Luka 11:46

Achiambwa, “Shaka hiro hata mwimwi alimu a Shariya. Mnamendza kutsukuza ayawenu mizigo miziho, yani Shariya ngumu, ela mwi enye tamuterya atu kuzilunga hata chidide.

Johana 13:34

Nakuphani shariya nyiphya, nakuambirani: Mendzanani dza vyo nrivyokumendzani.

Johana 15:12

Sambi nakuphani lagizo rangu: Mendzanani dza vyo nrivyokumendzani.

Arumi 15:1

Phahi swiswi huriophera chiroho, ni lazima huvumirire hara ambao taadzangbwephera chiroho, wala husidzipendelee.

Arumi 8:2

Mana, kpwa sababu ya Masihi Jesu, mwaikpwa huru msitawalwe ni dambi irehayo chifo. Mwaphokera Roho Mtakatifu alavyaye uzima wa kare na kare, na ndiye anayekuikani huru.

1 Akorintho 9:21

Na kpwa atu asio kala Ayahudi ambao taalunga hizo Shariya, piya nákala dza aho ili niativye. Ela sio kukala hati silunga malagizo ga Mlungu, hata chidide, ela nkulunga malagizo ga Jesu.

Agalatia 6:5

Mana chila mmwenga ni lazima atsukule mzigowe mwenye.

Kumbukumbu 1:12

Ela mino machiyangu ndawezadze kutsukula mzigo mziho wa kuamula malau genu?

1 Athesalonike 5:14

Enehu, hunakuhimizani mkanye atu avivu na mtiye moyo atu ambao afwa mioyo. Tsona mterye ayawenu ambao taadzangbwephera chiroho na mvumirire atu osi.

Jakobo 1:25

Ela mutu achilolato shariya isiyo na lawama yiikayo atu huru, iye andajaliwa ichikala andavumirira na kuphundza iyo shariya bila ya kuyala arirorisikira.

Jakobo 2:12

Kpwa hivyo rorosi mgombaro na muhendaro, hendani mchimanya kukala mundahukumiwa ni shariya yiikayo atu huru.

Jakobo 2:8

Shariya muhimu ya Mlungu yoandikpwa ndani ya Maandiko, inaamba, “Mmendze myao dza vyo udzimendzavyo mwenye.” Mchiilungato hiyo, mundakala munahenda sawa-sawa.

1 Petero 2:24

Jesu mwenye wahala dambi zehu achizihenda avi ni zakpwe hata achikotwa msalabani, ili swiswi husitawalwe tsona ni dambi ela hukale na masagazi gamhamirago Mlungu. Iye walumizwa, ili mphole.

2 Petero 2:21

Hata hivyo ingekala vinono kalapho taayamanya njira za kumuhamira Mlungu, kuriko kuzimanya na alafu kugaluka na kuricha kulunga malagizoge matakatifu.

2 Petero 3:2

Tambukirani maneno ga manabii matakatifu na malagizo ga Bwana na Muokoli wehu, mrigophokera kula kpwa mitumee.

1 Johana 4:21

Mlungu wahupha lagizo ambaro rinaamba, “Yeyesi amendzaye Mlungu ni lazima ammendze myawe piya.”