Agalatia 5:18 - Digo Bible

¹⁸ Ela uchilongozwa ni Roho, kutawalwa ni shariya za Chiyahudi.

Agalatia 5:18 ပူးပေါင်းရင်းမြစ်များ

Misemo 8:20

Ninanyendeka kahi-kahi ya haki, ninalunga shariya ya haki.

Ezekieli 36:27

Nami ndakutiyani Roho wangu, na nkuhendeni mgbwire malagizo gangu na shariya zangu.

Johana 16:13

Ela ye Roho Mtakatifu ndiphokpwedza, andakulongozani kulunga chila chitu cha kpweli. Iye kandagomba gakpwe mwenye, ela andakuambirani higo ndigosikira na ndigokpwedzahendeka.

Arumi 7:4

Vivyo hivyo enehu, dza viratu mutu achifwa katawalwa tsona ni shariya, mwimwi namwi tamtawalwa tsona ni Shariya za Musa. Mana ni avi mwafwa phamwenga na Jesu msalabani, na vivi mu akpwe. Naye wafufulwa ili swiswi humhumikire Mlungu na kumuhamira.

Arumi 8:12

Phahi enehu, swiswi tahulondwa husagale kulengana na asili ya chibinadamu, yani kpwenderera kuhenda dambi, ela jukumu rehu ni kusagala kulengana na Roho Mtakatifu alondavyo.

Arumi 8:14

Osi alongozwao ni Roho Mtakatifu ni ana a Mlungu.

Agalatia 5:16

Phahi naamba, ishini kulunga Roho Mtakatifu, namwi tamundatimiza tamaa za dambi.

Agalatia 5:23

upole, na kudzikanya. Taphana shariya yoyosi ipingayo mambo higa.

Agalatia 5:25

Kpwa vira Roho Mtakatifu wahupha maisha maphya, phahi ni lazima hulunge njiraze.

1 Timothi 1:9

Tsona hukumanya kala Shariya tazirehwa kpwa atu ahendao haki. Ela nkurehwa kpwa atu a kuvundza shariya na atu asiokubali kukala tsini ya mamlaka, atu asiomuogopha Mlungu na achina-dambi osi, atu asio atakatifu na asio na dini, aolagao avyazi aho na ayawao.

2 Timothi 1:7

Mana Mlungu wahupha roho wa kuhuhenda hukale na nguvu, kumendzana na kudzikanya, ela kayahupha roho wa kuhuhenda hukale aoga.