Agalatia 5:17 - Digo Bible

¹⁷ Mana mambo gatakpwago ni asili ya chibinadamu sigo alondago Roho Mtakatifu, na alondago Roho Mtakatifu sigo gatakpwago ni asili ya chibinadamu. Roho Mtakatifu na asili ya chibinadamu vinapingana, kpwa hivyo ni vigumu kuhenda mambo manono ulondavyo.

Agalatia 5:17 ပူးပေါင်းရင်းမြစ်များ

Mwandzo 6:3

Mwenyezi Mlungu wagomba achiamba, “Roho yangu taindakala ndani ya mwanadamu hata kare na kare, mana iye andafwa. Kpwa hivyo sikuze zindakala miaka gana mwenga na mirongo miiri.”

Zaburi 119:133

Nilongoza kama urivyolaga kulengana na nenoro, usiriche uyi wowosi ukanitawala.

Zaburi 119:159

Lola vira nimendzavyo shariyazo, tundza maisha gangu, ee Mwenyezi Mlungu, kulengana na mendzwayo isiyosika.

Zaburi 119:176

Nkatanga-tanga dza ngʼondzi chiroangamika, niendza mimi mtumishio, mana siyala malagizogo.

Zaburi 119:20

Roho yangu inaluma kpwa kuaza kumanya shariyazo wakati wosi.

Zaburi 119:32

Ndalunga malagizogo, mana ukanivugula ufahamu.

Zaburi 119:35

Nilongoza kahi ya kugbwira njira za malagizogo, mana zinanihamira.

Zaburi 119:40

Naaza sana kulunga malagizogo tundza maisha gangu mana uwe u wa haki!

Zaburi 130:3

Ee Mwenyezi Mlungu, ichikala uwe undaolanga makosa gehu, ni ani ndiyeweza kuima mberezo?

Zaburi 65:3

Makosa gehu gachihuzidiya uwe unahuswamehe.

Muhubiri 7:20

Kpwa kpweli takuna mutu phapha duniani mwenye haki ambaye nkuhenda manono siku zosi, bila kuhenda dambi.

Isaya 6:5

Ndipho nchiamba, maye mino! Aa sikaangamika mino! Mana mimi mromo wangu ni mchafu na nisegere kahi za atu a miromo michafu na vino matso gangu gakamuona Mfalume, Mwenyezi Mlungu, Mlungu wa majeshi.

Mathayo 12:30

“Yuya ambaye ka uphande wangu, manyani ananipinga; na iye ambaye tahukusanya phamwenga, manyani anatsamula.

Mathayo 16:17

Naye Jesu achimuamba, “Waajaliwa Simoni mwana wa Jona, mana higo ugombago si mwanadamu achiyekumanyisa, ela ni Baba ariye mlunguni.

Mathayo 16:23

Ela Jesu achimgalukira Petero, achimuamba, “Hebu niukira, Shetani wee! Unanizuwiya nisihende nilondwago nihende, mana maazogo ni ga chibinadamu bahi, sigo ga chimlungu.”

Mathayo 26:41

Chesani kuvoya ili Shetani asedze akakutiyani dambini, mana roho inamendza kuhendato, ela mwiri tauweza.”

Mathayo 5:6

Baha ahirikao na ndzala na chiru ya kuhenda vira Mlungu alondavyo, mana mundamvuniswa.

Luka 22:33

Petero achimuamba, “Bwana, mimi ni tayari kutiywa jela na piya kufwa phamwenga nawe.”

Luka 22:46

Achiaambira, “Mbona mrere? Lamukani mvoye ili Shetani asedze akakujezani.”

Johana 3:6

Anadamu nkuvyala anadamu ario na uhai, ela Roho Mtakatifu nkuvyala atu ario na uhai wa chiroho.

Arumi 8:13

Mana muchikala na masagazi galungago asili ya chibinadamu, mundafwa, ela muchiricha kuhenda mahendo mai kpwa uwezo wa Roho Mtakatifu, kpwa kpweli mundasagala na Mlungu hata kare na kare.

Agalatia 3:21

Dze, Shariya kala zinapinga chilagane cha Mlungu? Hata chidide! Ichikala Shariya inaweza kurehera anadamu uzima wa kare na kare, phahi atu angephaha haki kpwa kuzilunga.

Jakobo 3:2

Atu osi nkuhenda makosa manji. Ela ichikala mutu kagomba makosa, phahi kana lawama ya aina yoyosi. Naye anaweza kudzirinda kamare.