Aamuli 9:28 - Digo Bible

²⁸ Gaali mwana wa Ebedi achiamba, “Abimeleki ni ani kpwehu na swino atu a Shekemu hu ano ani kpwakpwe hata humuhumikire? Ye si ni mwana wa Jerubaali? Na Zebuli si ni mwanatsiniwe? Nahumuhumikire Hamori, ise wa Shekemu. Kpwa utu wani humuhumikire Abimeleki?

Aamuli 9:28 ပူးပေါင်းရင်းမြစ်များ

Mwandzo 33:19

Jakobo wagula hira seemu yokala akachita hemare kula kpwa ana a Hamori, ise wa Shekemu na vipande gana mwenga vya feza.

Mwandzo 34:2

Mkpwulu wa seemu iyo kala ndiye Hamori, Mhivi, naye kala mwana mlume yeihwa Shekemu. Shekemu ariphomuona Dina wamgbwavukira.

Mwandzo 34:6

Hamori, isengbwa wa Shekemu wakpwedzabisha na Jakobo.

2 Samueli 20:1

Phahi hiko Giligali kpwakala na mutu asiye na mana aihwaye Sheba mwana wa Bikiri, mutu wa mbari ya Benjamini. Wapiga gunda achiamba, “Swino tauna mtalo na Daudi, wala tauna seemu kahi ya mwana wa Jese. Mwino Iziraeli, phiyani chila mutu kpwakpwe kaya.”

1 Afalume 12:16

Phahi, atu osi a Iziraeli ariphoona kukala mfalume kaaphundza, amuambira: “Huna mtalo wani swino kpwa Daudi? Tahuna urisi wowosi kpwa mwana wa Jese. Uyani kpwenu, mwimwi Aiziraeli! Na uwe Daudi kamanyirire mwenye nyumbayo.” Phahi Aiziraeli achiuya chila mutu kpwakpwe.

Aamuli 9:26

Siku mwenga Gaali, mwana wa Ebedi, phamwenga na nduguze aphiya achendasagala Shekemu. Phahi atu a mudzi hinyo achimkuluphira.

Aamuli 9:41

Abimeleki wasagala hiko Aruma, naye Zebuli achizola Gaali na nduguze ili asisagale Shekemu.

1 Samueli 25:10

Naye Nabali achiajibu nyo atumishi a Daudi achiamba, “Kpwani ye Daudi mwana wa Jese anadziona kukala ni ani sana? Siku zizi kuna atumwa anji anachimbira kula kpwa mabwana ao!