2 Samueli 19:21 - Digo Bible

²¹ Abishai mwana wa Seruya wamjibu achiamba, “Dze, Shimei asiolagbwe kpwa kumlani mpakpwa mafuha wa Mwenyezi Mlungu?”

2 Samueli 19:21 ပူးပေါင်းရင်းမြစ်များ

2 Samueli 16:13

Phahi Daudi na atue aenderera kulunga yo njira. Shimei naye waenderera kunyendeka mchechemo wa hinyo mwango kulolana na Daudi kuno anamlani, anamtsuphira mawe na kumtefurira vumbi.

2 Samueli 16:5

Mfalume Daudi ariphofika phephi na Bahurimu, kpwatuluka mutu wa mryango wa Sauli aihwaye Shimei mwana wa Gera, achilani kuno anatuluka kondze.

2 Samueli 16:9

Ndipho Abishai mwana wa Seruya, achimuuza mfalume, “Kpwa utu wani rino diya ra kufwa rikulani we bwana wangu mfalume? Niruhusu nivuke, nikamkate chitswa.”

Zaburi 84:9

Ee Mlungu, tundza vinono ngao yehu, mlole na mbazi iye uriyemmwagira mafuha.

Kutsama 22:28

Usimkufuru Mlungu, wala kumlani mtawala wa atuo.

Sonono za Jeremia 4:20

Mfalume wehu, ye mmwagirwa mafuha wa Mwenyezi Mlungu, ariye mrindzi wa taifa rehu, wagbwirwa ni mihambo yao. Enye kala hukafikiriya kukala andahurinda na taifa rorosi phapha duniani.

1 Samueli 24:6

Achiambira atue, “Mwenyezi Mlungu asinijaliye kumuhendera bwana wangu dzambo iyi, kpwa mana iye ni mmwagirwa mafuha wa Mwenyezi Mlungu.”

1 Samueli 26:9

Ela Daudi achimuamba Abishai, “Usimuolage! Takuna awezaye kugolosa mkpwono kumuhendera mai mmwagirwa mafuha wa Mwenyezi Mlungu akakosa kutiywa adabu.”