2 Samueli 14:14 - Digo Bible

¹⁴ Kpwa kpweli swiswi hosi lazima hundafwa, naswi hu dza madzi garigomwagika photsi, gasigowezekana kuzoleka tsona. Ela Mlungu kausa uhai wa mutu, badalaye iye nkutengeza njira ili iye ariyezolwa asienderere kukala kure naye.

2 Samueli 14:14 ပူးပေါင်းရင်းမြစ်များ

2 Samueli 11:25

Daudi achimuambira yuya muhumwa, “Muambire Joabu maneno higa, ‘Dzambo hiri risikutiye wasiwasi, mana upanga nkurya hiyu dza unavyorya yuya, zidini kushambuliya nyo mudzi mukauvundze-vundze.’ Mtiye moyo Joabu kpwa maneno higo.”

2 Samueli 14:15

Hivi sambi nkedzagomba neno hiri kpwa bwana wangu mfalume, kpwa sababu atu akaniogofyera. Nami mtumishio nkaaza mwangu moyoni anaamba, ‘Niyagomba na mfalume chahi andanihendera haja yangu mimi mtumishiwe.

1 Afalume 11:39

Tsona, ndagayisa chivyazi cha Daudi, ela si siku zosi.”

Ayubu 14:14

Dze, mutu achifwa anaweza kuuya moyo tsona? Mutu mimi ningegodzera, siku zosi za utumishi wangu, hata wakati wangu wa kuvugulwa ukafika.

Ayubu 30:23

Ee namanya undaniphirika hata chifoni, phatu phariphopangirwa osi ario moyo.

Ayubu 34:15

anadamu osi angeangamika chivyamwenga, na mwanadamu angeuya mtsangani.

Ayubu 34:19

Iye kapendeleya vilongozi, wala kapendeleya matajiri kuriko achiya, mana osi ni kazi ya mikonoye.

Zaburi 22:14

Mwiri wangu ukasirirwa ni nguvu, mifupha yangu yosi ikateguka. Nkakata tamaa, moyo wangu ukatsatsamuka avi ni mshumaa uakao.

Zaburi 22:15

Umiro wangu ukauma dza chidzaya na lilimi rangu rikagbwirana na lilakalaka. Nawe ukaniricha vumbini ili nifwe.

Zaburi 58:7

Na ayaye dza madzi gajerago, naavyogbwe-vyogbwe na anyale dza nyasi.

Zaburi 77:8

Dze, mendzwaye isiyosika ikasira hata kare na kare? Dze, kandakamilisha ahadize tsona?

Zaburi 79:3

Amwaga milatso yao dza madzi mo Jerusalemu, na taphakarire yeyesi wa kuazika.

Zaburi 90:10

Hunaweza kuishi miaka mirongo sabaa, au ichikala huna nguvu, miaka mirongo minane, ela yo minono nayo ni ya tabu na sonono, kano ikasira naswi tahupho tsona.

Zaburi 90:3

Ukuuyiza atu mtsangani, na kuamba, “Mwi anadamu, uyani mrikola!”

Kutsama 21:13

Ela ichikala kamuolagire kusudi, ela Mlungu akarikubaliya, naachimbire aphiye kpwatu ndikoatsamburira atu dza hinyo.

Muhubiri 9:5

Kpwa sababu ario moyo anamanya kukala andafwa, ela atu a kufwa taamanya rorosi, wala taana maripho tsona. Mana takuna aatambukiraye tsona.

Sonono za Jeremia 3:31

Mana Mwenyezi Mlungu kandahuricha hata kare na kare.

Ezekieli 18:23

Vino mino nkuhamirwa ni chifo cha mutu mui? Mwenyezi Mlungu anaamba. Si baha agaluke ariche mai ili akale moyo?

Alawi 26:40

“Ela achikubali dambi zao na dambi za akare ao, arivyokosa uaminifu na achiniasi,

Isabu 35:15

Midzi ihi sita indakala ni midzi ya kuchimbirira kpwa Aiziraeli, ajeni asagalao phamwenga namwi kpwa muda mfupi au mure, ili mutu ndiyeolaga myawe bila kumanya aphahe kuchimbirira kuko.

Isabu 35:25

Mkpwutano ni umuokole ye achiyeolaga na iye mʼbari wa ye ariyeolagbwa na kumuuyiza ko mudzi wa kuchimbirira ariokala akachimbirira. Ni aenderere kusagala kuko hadi mlavyadzi-sadaka mkpwulu wa wakati hinyo ariyemwagirwa mafuha afwe.

Isabu 35:28

Mana ye achiyeolaga ni asale ndani ya mudzi wa kuchimbirira hadi mlavyadzi-sadaka mkpwulu afwe ndipho auye kpwao.

Mathayo 22:16

Phahi ahuma afuasi aho na hara a chikundi cha Herode, nao achendamuamba, “Mwalimu, hunamanya kukala uwe u mutu muaminifu, na unafundza kpweli kuhusu Mlungu alagizago, nawe kulunga maoni ga atu mana cheo si chochosi kpwako.

Mahendo 10:34

Phahi, Petero waandza kugomba nao achiamba, “Kpwa kpweli sambi nikaelewa kala Mlungu kana ubaguzi,

Arumi 2:11

Mana Mlungu kaonera mutu yeyesi.

Kumbukumbu 10:17

Mana Mwenyezi Mlungu, Mlungu wenu, ndiye Mlungu mkpwulu kushinda milungu yosi na Mkpwulu wa akulu. Iye ni Mlungu mkpwulu na mwenye nguvu na ni wa kuogophewa sana. Kapendeleya mutu wala kuhongbwa.

Aeburania 9:27

Na dza viratu ambavyo ni lazima anadamu osi afwe limwenga na badaye ahukumiwe,

1 Petero 1:17

Mlungu, ambaye munamuiha Baba, anahukumu atu osi kulengana na mahendo gao bila ubaguzi. Kpwa hivyo, muogopheni sana kpwa muda uhu ambao mchere sagala hipha duniani dza ajeni.