2 Nyakati 6:21 - Digo Bible

²¹ Nawe uphundze mavoyo ga mtumishio na ga atuo Aiziraeli ndiphovoya kuno akaloza phatu hipha. Sikira phahi kula phako makaloni ko mlunguni, na usikirapho, huswamehe.

2 Nyakati 6:21 ပူးပေါင်းရင်းမြစ်များ

2 Nyakati 30:27

Ndipho alavyadzi-sadaka na Alawi achiima na achiavoyera atu baraka. Naye Mwenyezi Mlungu achisikira kula makaloge hiko mlunguni na achikubali mavoyo gao.

2 Nyakati 6:22

“Napho mutu akamkosera myawe na analondwa arye chirapho, naye achedzaapa mbere za hipha phatupho pha kulavira sadaka ndani ya nyumba hino,

2 Nyakati 6:39

phahi sikira mavoyo gao na chiriro chao kula hiko mlunguni ukalako, uahende ashinde na uswamehe atuo achiokuhendera dambi.

Zaburi 123:1

Naunula matso gangu kpwako, uwe usegereye kpwenye chihicho cha endzi ko mlunguni!

Muhubiri 5:2

Ririkana kabila kudzangbwegomba na usikale mwepesi wa kuahidi utu mbere za Mlungu. Mana Mlungu a dzulu mlunguni ela uwe u phapha duniani. Kpwa hivyo usikale na maneno manji.

Isaya 18:4

Mana Mwenyezi Mlungu akaniamba hivi: “Mino ndanyamala zii nlole kula kpwangu makaloni dza dzoho wakati wa dzuwa ngerengere, dza guro ritandavyo usiku wakati wa minga ya mavuno.

Isaya 43:25

Mimi ndimi nigafutaye makosago kpwa ajili yangu, na sindazitambukira dambizo tsona.

Isaya 44:22

Nikagafuta makosago dza ingu ziho, nikazifuta dambizo dza guro, niuyira, mana nikakukombola.

Isaya 57:15

Mana vivi ndivyo aambavyo iye ariye dzulu, iye aunulwaye sana, iye ariye moyo hata kare na kare, ambaye dzinare ni Mtakatifu, “Mimi nasagala phatu phatakatifu pharipho dzulu, chisha ninasagala phamwenga na nyo adzitserezao na kutubu, ili niatiye nguvu nyiphya.

Danieli 9:19

Ee Mwenyezi Mlungu husikire. Ee Mwenyezi Mlungu huswamehe. Ee Mwenyezi Mlungu sikira na uhende. Kpwa ajiliyo usikae, ee Mlungu wangu, na kpwa sababu ya mudzio na atuo aihwao kpwa dzinaro.”

Mika 7:18

Takuna Mlungu ariye dza uwe anayeswamehe dambi na kusalola makosa ga atu a urisiwe ariosala kutiywa adabu. Uwe kutsukirwa na ikakala ni bahi hata kare na kare, ela unaonato kuhuonyesa mendzwa isiyosika.

Mathayo 6:12

Na huswamehe makosa gehu, dza viratu hunavyoswamehe ahukoserao.

Mathayo 6:9

Phahi mwimwi voyani hivi: Baba, uriye mlunguni, dzinaro nariogophewe.