2 Nyakati 6:2 - Digo Bible

² Ela sambi nkakudzengera nyumba nono, ikale phatupho pha kusagala hata kare na kare.”

2 Nyakati 6:2 ပူးပေါင်းရင်းမြစ်များ

2 Samueli 7:13

Iye ndiye ndiyedzenga nyumba kpwa ajili ya dzina rangu, nami nindauhenda ufalumewe ukale imara hata kare na kare.

1 Afalume 8:13

Hakika nkakudzengera nyumba nono, ikale phatupho pha kuishi hata kare na kare.”

1 Nyakati 17:12

Iye ndiye ndiyenidzengera nyumba, nami nindauhenda ufalumewe ukale imara hata kare na kare.

1 Nyakati 28:20

Chisha Daudi achimuambira mwanawe Selemani, “Dzitiye nguvu Kala na chadi na moyo wa ujasiri, uhende hivyo. Usiogophe na usikale na wasiwasi, mana Mwenyezi Mlungu, Mlungu wangu, a phamwenga nawe. Iye kandakuricha ugbwe wala kukuricha hadi kazi yosi ya ndani ya Nyumba ya kuvoya Mlungu ikamilike.

1 Nyakati 28:6

Waniambira, ‘Mwanao Selemani ndiye ndedzenga nyumba yangu na mihala yangu, kpwa mana nkamtsambula akale mwanangu nami ndakala ise.

2 Nyakati 1:4

(Ela Daudi kala akaambuka na sanduku ra Mlungu kula Kiriathi-Jearimu hadi phatu ambapho kala akaritayarishira. Iye kala akarichitira hema hiko Jerusalemu.)

2 Nyakati 6:1

Chisha Selemani achiamba, “Mwenyezi Mlungu waamba kukala anasagala kpwenye chilungulungu cha jiza.

2 Nyakati 6:3

Phahi ye mfalume waagalukira nyo Aiziraeli osi arikokala aimire achiabariki.

Ezira 7:15

Tsona tsukula feza na zahabu ambazo mimi mfalume na ashauri angu hwalavya kpwa hiyari na kumupha Mlungu wa Iziraeli, ambaye makaloge ga Jerusalemu.

Ezira 7:16

Hala feza na zahabu zosi ndizophaha kahi ya jimbo ra Babeli na sadaka za hiyari ambazo atu na alavyadzi-sadaka andalavya, kpwa ajili ya nyumba ya Mlungu wao iriyo hiko Jerusalemu.

Zaburi 132:5

hadi ndiphomphahira phatu Mwenyezi Mlungu ndiphomphahira makalo iye Mwenye Nguvu wa Jakobo.”

Zaburi 135:21

Mwenyezi Mlungu naatogolwe hiko Sayuni, iye asagalaye Jerusalemu! Mwenyezi Mlungu naatogolwe! Haleluya.

Ezekieli 46:10

Atu ndiphoinjira ye mkpwulu andainjira phamwenga nao, na ndiphokala anatuluka, andatuluka nao.

Maono 21:3

Alafu nchisikira kululu kula pho pharipho na chihi cha chifalume, richiamba, “Vivi Mlungu andasagala phamwenga na atu. Phakpwe kaya andakala phamwenga na anadamu, nao andakala atue. Mlungu mwenye andakala phamwenga nao, naye andakala Mlungu wao.