2 Nyakati 22:12 - Digo Bible

¹² Joashi wafwitswa ndani ya Nyumba ya Mlungu kpwa muda wa miaka sita, wakati Athalia ariphokala anatawala yo tsi.

2 Nyakati 22:12 ပူးပေါင်းရင်းမြစ်များ

2 Nyakati 22:11

Ela Jehosheba, mwana wa chichetu wa mfalume Jehoramu, ndugungbwa mchetu wa Ahaziya, wamuhala Joashi mwana wa Ahaziya chisiri-siri, kula kahi ya ana a mfalume ariokala analondwa aolagbwe. Wamuhala iye phamwenga na mreziwe achiatiya chumba cha kulala. Phahi Jehosheba mwana mchetu wa mfalume Jehoramu, ambaye piya kala ni mkpwaza mlavyadzi-sadaka Jehoyada, achimfwitsa Joashi, ili asionewe ni Athalia. Jehosheba kala ni ndugu mchetu wa Ahaziya. Kpwa hivyo Athalia kamuolagire Joashi.

2 Nyakati 23:1

Uriphofika mwaka wa sabaa Jehoyada wadzipha moyo, achiahala akulu a vikosi vya anajeshi gana-gana, Azaria mwana wa Jerohamu, Isimaili mwana wa Jehohanani, Azaria mwana wa Obedi, Maaseya mwana wa Adaya na Elishafati mwana wa Zikiri, achiika chilagane nao.

Zaburi 12:8

Atu ayi nkuzunguluka chila phatu bila wasiwasi, uyi ndio ulikpwao kahi ya anadamu.

Zaburi 27:5

Mana siku ya tabu andanifwitsa phakpwe makaloni; andanifwitsa mwakpwe hemani, na kuniika salama kpwenye mwamba urio dzulu.

Zaburi 73:14

Mana nateseka dii yosi na chila ligundzu natiywa adabu.

Misemo 28:28

Atu ayi achitawala atu nkuchimbira achadzifwitsa, ela achiuka mamlakani, enye haki nkuenjerezeka.

Jeremia 12:1

Ee Mwenyezi Mlungu, uwe u wa haki, wakati nkulalamikirapho, ela nalonda nikuuze kuhusu hakiyo: Kpwa utu wani atu ayi nkuongokerwa? Kpwa utu wani atu ayi nkuishi vinono?

Habakuki 1:12

Ela uwe Mwenyezi Mlungu, Mtakatifu wangu, u Mlungu wa kare na kare. Kundafwa bii. Uwe Mwenyezi Mlungu waatsambula ili ahuamule, uwe uriye ngome waahuma, uchiatiya mkpwotse ili ahutiye adabu.