2 Nyakati 20:25 - Digo Bible

²⁵ Jehoshafati na atue ariphokpwedzahala zewe, akuta unji wa ngʼombe, mali, nguwo na miyo minji ya samani. Ahala miyo minji hata achishindwa ni kuitsukula. Zewe hizo kala ni nyinji sana hata ichiahala siku tahu kuzitsukula.

2 Nyakati 20:25 ပူးပေါင်းရင်းမြစ်များ

2 Nyakati 20:24

Jeshi ra Juda ririphofika kpwenye mnara wa kurindira hiko jangbwani, akpwendalola hiro jeshi kulu. Nao, lola! Osi kala akagbwa photsi ni nyufu taphana ariyetiya.

2 Nyakati 20:26

Iriphofika siku ya ne akusanyika kpwenye Dete ra Baraka. Hipho ashukuru na kumtogola Mwenyezi Mlungu, ndiyo mana phatu hipho phaihwa Dete ra Baraka hadi rero.

Zaburi 68:12

“Afalume na majeshi gao anazola ovyo-ovyo!” Achetu madzumbani anaganya nyara.

Kutsama 3:22

Chila mchetu wa Chieburania ni aphiye akavoye vitu vya feza na vya zahabu na nguwo kula mchetu myawe wa Chimisiri na kula kpwa mchetu yeyesi asagalaye nyumbani mwa ye Mmisiri. Muchihewa vitu vivyo mundaavwika ana enu a chilume na a chichetu. Namwi mundakala mukaafuta Amisiri utajiri wao.”

Misemo 3:15

Ikima ni bora kuriko mawe ga samani, takuna chitu chochosi cha kuazika chinachoweza kulengana nayo.

Zakariya 14:14

Atu a Juda andapigana kukanira Jerusalemu. Na utajiri wa mataifa ganjina chigozunguluka undakusanywa kpwa unji, yani zahabu, feza na mavwazi.

Isabu 31:15

Musa achiauza achiamba, “Mbona mwaaricha moyo achetu osi?

Isabu 31:53

(Chila mwanajeshi kala akadziharira vitu.)

Arumi 8:37

Ela hata mambo gosi higa gachihuphaha, swino bado huna ushindi mkpwulu, kpwa sababu Jesu ariyehumendza wahuterya.

Joshuwa 11:14

Aiziraeli ahala zewe vitu vyosi na mifugo ya midzi ihi, ela atu osi aolagbwa na upanga bila kusaza hata mmwenga yekala anaphuma.