2 Nyakati 16:9 - Digo Bible

⁹ Kpwa mana matso ga Mwenyezi Mlungu nkulola chila phatu kosi duniani, ili aatiye nguvu hara anaomkuluphira iye chikamilifu. Ukahenda dzambo ra chizuzu nawe kuandzira sambi undakala na viha.”

2 Nyakati 16:9 ပူးပေါင်းရင်းမြစ်များ

Mwandzo 31:28

Wanilafya hata nafwasi ya kudonera anangu na adzukulu angu kpwa nialage. Uwe ukahenda mambo ga chizuzu.

2 Samueli 24:10

Ela bada ya kuaolanga hinyo atu wakala na wasiwasi sana moyoni. Ndipho achimuambira Mwenyezi Mlungu, “Nchigohenda ni dambi kulu sana ela phahi nakuvoya, ee Mwenyezi Mlungu, uniswamehe mimi mtumishio kpwa mana nkahenda dzambo ra chizuzu sana.”

1 Afalume 15:32

Mfalume Asa wa Juda na mfalume Baasha wa Iziraeli akala na viha kahi yao siku zao zosi.

2 Afalume 20:3

“Uwe Mwenyezi Mlungu, nakuvoya utambukire vira nrivyokuhumikira kpwa uaminifu, na kpwa moyo wangu wosi, na kuhenda manono mberezo.” Hezekiya achirira sana kpwa utsungu.

1 Nyakati 21:8

Ndipho Daudi achimuamba Mlungu, “Nkahenda dambi kulu kpwa kuhenda dzambo hiri. Ela nakuvoya uniswamehe makosa gangu mimi mtumishio, mana nkahenda dzambo ra chizuzu sana.”

2 Nyakati 15:17

Dzagbwe kayabananga mwatu mwa dzulu mwa kuabudu milungu kahi za Iziraeli, Asa kala ni muaminifu kpwa Mwenyezi Mlungu maishage gosi.

2 Nyakati 15:19

Na wala takuyakala na viha tsona wakati wa utawala wa Asa hadi mwakawe wa mirongo mihahu na tsano wa kutawala.

2 Nyakati 16:10

Phahi Asa wareyezwa ni hiye muonadzi ariphosikira maneno higo, achimtiya jela kpwa mana akamtsukiza. Wakati hinyo piya, Asa waandza kuaonera atu anjina.

2 Nyakati 19:9

Naye waalagiza achiaambira, “Mundahenda hivyo kpwa hofu ya Mwenyezi Mlungu, kpwa uaminifu na kpwa moyo wosi.

2 Nyakati 6:20

Navoya urinde nyumba hino usiku na mutsi, phatu ambapho waalaga kukala undaabudiwa hipho, ili uweze kusikira mavoyo ga mtumishio anaphovoya kuelekeya phatu hipha.

Ezira 5:5

Ela kpwa kukala Mlungu kala a phamwenga na nyo vilongozi a Ayahudi, taawezere kuimisa nyo udzengadzi hadi amuandikire mfalume Dario habari hizi naye alavye ushauriwe kpwa baruwa.

Ayubu 28:24

Mana anaona hata misho ya dunia, na kuona chila chitu tsini ya mlungu.

Ayubu 31:4

Ikale Mlungu kaona njira zangu, na kuolanga nyago zangu zosi?

Ayubu 34:21

Mana matsoge ganalola njira za mwanadamu, na kuona chila hatuwa avyogayo.

Zaburi 113:6

iye nkuzama kulola mlunguni na duniani.

Zaburi 33:14

Iye analola osi asagalao duniani kula hipho asegerepho kpwenye chihiche cha utawala.

Zaburi 33:15

Iye watengeza mioyo yao osi, kpwa hivyo anaelewa mahendo gao gosi.

Zaburi 33:18

Ela matso ga Mwenyezi Mlungu ganalola hinyo anaomuogopha, hinyo anaokuluphira mendzwaye isiyosika,

Zaburi 34:15

Matso ga Mwenyezi Mlungu ganalola ahendao haki, na masikiroge ganaphundza chiriro chao.

Zaburi 37:37

Chunguza mutu asiye lawama, na mutu wa haki mana mutu amendzaye amani chivyaziche nkpwenderera.

Misemo 15:3

Matso ga Mwenyezi Mlungu ga chila phatu, ganachunguza ayi na anono.

Misemo 5:21

Mana ahendago mwanadamu gosi ganaonewa ni Mwenyezi Mlungu, iye anachunguza njira zosi.

Isaya 31:1

Shaka hiro kpwa hinyo anaotserera kuphiya Misiri kpwendavoya msada, hinyo anaoadamira farasi a viha. Anaoadamira magari gao ga kuvwehwa ni farasi kpwa kukala anajeshi akuhumira farasi ana mkpwotse, badala ya kumuadamira Mtakatifu wa Iziraeli, au kuvoya msada kpwa Mwenyezi Mlungu.

Jeremia 16:17

Mana mahendo gao gosi tagaweza kufwitsika mbere zangu. Dambi zao zi wazi mbere zangu.

Jeremia 32:19

Ushaurio na mahendogo ni makulu. Uwe unaona gosi gahendwago ni anadamu, uwe ukutuza chila mutu kulengana na tabiyaze na mahendoge.

Jeremia 5:1

Zolani mairo kpwenye barabara za Jerusalemu, lolani na mdzionere enye! Chunguzani mo mwakpwe mihalani ichikala mundaona angaa mutu mmwenga, ahendaye haki na aendzaye kpweli ili niswamehe mudzi uhu.

Jeremia 5:21

Vivi phundzani mwi azuzu na akuphupha, murio na matso ela tamuona, murio na masikiro ela tamphundza.

Jeremia 5:3

Ee Mwenyezi Mlungu, uwe ukuendza uaminifu Uwe ukaapiga, ela taasikirire utsungu, waasaga, ela arema kugaluka. Ahenda nyuso zao kukala nyifu kuriko dziwe na kurema kutubu.

Zakariya 4:10

Mana hata ye ariyebera siku ya mambo madide-madide andahererwa ndiphoona Zerubabeli ana kabiro mkpwononi, anadzenga. Chisha ye malaika achiniambira, “Hizi taa sabaa ni matso ga Mwenyezi Mlungu, nago ganaona chila phatu duniani.”

Mathayo 5:22

Ela mino nakuambirani kukala mutu achireyera myawe, ni lazima aamulwe. Aberaye mfuasi myawe anafwaha kuphirikpwa mbere za baraza ra atumia. Na mutu ndiyelaphiza myawe andakala mashakani mana anaweza kuphirikpwa mohoni.

Luka 12:20

Ela Mlungu achimuamba, ‘U mpumbavu uwe! Rero usiku undafwa. Sambi, vyo vitu vyodziikira akiba, vindakala vya ani?’ ”

1 Akorintho 15:36

Hiro ni swali ra chizuzu! Uchiphanda mbeyu mtsangani, taimera hadi mwandzo iole.

Agalatia 3:1

Mwi Agalatia! Mbona munahendwa azuzu? Mwalogbwa ni ani? Mwasemurirwa vinono mana ga Jesu Masihi kuolagbwa msalabani.

Aeburania 4:13

Takuna chiumbe chochosi chirichofwitsika hata ikale Mlungu kachiona. Chila chitu chi laza mbereze. Naswi hundalavya isabu ya mahendo gehu mbereze.

1 Petero 3:12

Mana matso ga Mwenyezi Mlungu ganalola ahendao haki, na masikiroge ga wazi, kuphundza mavoyo gao. Ela uso wa Mwenyezi Mlungu u chinyume cha ahendao mai.”

1 Samueli 13:13

Naye Samueli achimuamba Sauli, “Ukahenda uzuzu kusagbwira amuri ya Mwenyezi Mlungu, Mlunguo, kpwa mana kala ukaigbwira, Mwenyezi Mlungu angeahenda atu a chivyazicho akatawala Iziraeli hata kare na kare.