2 Nyakati 1:9 - Digo Bible

⁹ Sambi phahi, Ee Mwenyezi Mlungu, hira ahadi uriyomlaga baba Daudi itimize, mana ukanihenda nkale mfalume wa atu ario anji dza mtsanga.

2 Nyakati 1:9 ပူးပေါင်းရင်းမြစ်များ

Mwandzo 13:16

Nindahenda atu a chivyazicho akale anji asioolangika dza mtsanga.

Mwandzo 22:17

hakika nindakujaliya na nindahenda vivyazivyo vikale vinji sana dza viratu nyenyezi za mlunguni na dza viratu mtsanga wa pwani. Uvyazio undamiliki midzi ya maadui gao.

Mwandzo 28:14

Na uvyazio undakala munji dza mitsanga ya duniani, na mundaenea kosi, mlairo wa dzuwa, mtswerero wa dzuwa, vurini na mwakani. Makabila gosi duniani gandajaliwa kutsupira uwe na vivyazivyo.

1 Nyakati 28:5

Na kahi ya anangu osi (mana Mwenyezi Mlungu wanipha ana anji) ye watsambula mwanangu Selemani asagarire chihi cha ufalume cha Mwenyezi Mlungu ili atawale Iziraeli.

Isabu 23:10

Atu a chivyazi cha Jakobo ni anji dza vumbi, ni anji ta taphana awezaye kumanya isabu ya robo yao. Richa nifwe chifo dza cha atu ahendao haki, na maisha gangu gafike mwisho dza go gao.”

Mathayo 25:16

Mara mwenga yuya yephokera mifuko mitsano waandza bishara nayo, naye achiphaha mifuko mitsano zaidi.