2 Athesalonike 3:16 - Digo Bible

¹⁶ Hunakuvoyerani ili Bwana wehu Jesu anayehupha amani, akupheni amani chila mara kpwa chila dzambo. Bwana Jesu na akale phamwenga namwi mosi.

2 Athesalonike 3:16 ပူးပေါင်းရင်းမြစ်များ

Zaburi 29:11

Mwenyezi Mlungu na aaphe nguvu atue! Mwenyezi Mlungu najaliye atue amani!

Zaburi 46:11

Mwenyezi Mlungu, Mlungu wa majeshi a phamwenga naswi, Mlungu wa Jakobo ndiye chimbiriro rehu.

Zaburi 46:7

Mwenyezi Mlungu, Mlungu wa majeshi a phamwenga naswi, Mlungu wa Jakobo ndiye chimbiriro rehu.

Zaburi 72:3

Myango nairehere atu mafwanikiyo na vidzango virehe haki.

Zaburi 72:7

Wakati wa maishage gosi haki indatawala na kukale na amani hadi mwezi ukale taupho tsona!

Isaya 26:12

Mwenyezi Mlungu undahujaliya amani mana uwe ndiwe uriyehuwezesha kuhenda kazi zehu zosi.

Isaya 45:7

Mimi ndiye niumbaye mwanga na jiza, ndimi nirehaye kuongokerwa na mashaka. Mimi, ndimi Mwenyezi Mlungu nigahendaye gaga gosi.

Isaya 54:10

Dzagbwe myango indasumbiswa na vidzango vindauswa, ela sindaricha kukuonyesa mendzwa yangu isiyosika, chisha sindavundza chilagane changu cha kukala ndakupha amani,” Mwenyezi Mlungu aambavyo.

Isaya 66:12

Mana Mwenyezi Mlungu anaamba vivi, “Nindareha kuongokerwa ko Jerusalemu na utajiri wa mataifa ganjina dza muho uchiofurika. Jerusalemu indakuroromani dza mwana achiyesagikpwa magoni ni nine mwana anayeamwiswa kuno anayigbwayigbwa.

Isaya 8:10

Unganani mpange ela tamundaongokerwa mana Mlungu a phamwenga naswi.

Hagai 2:9

Mwenyezi Mlungu, Mlungu wa majeshi anaamba, ‘Nguma ya mwisho ya nyumba hino indakala kulu kutsupa hira ya mwandzo na phapha hipha nindakuphani amani.’”

Zakariya 6:13

Iye ndiye ndiyeidzenga luphya yo nyumba ya Mwenyezi Mlungu, naye andaphaha nguma ya chitawala chisha andasagala na kutawala kpwenye chihiche cha utawala. Pho kanda-kanda ya chihiche phandakala na mlavyadzi-sadaka, nao osi airi andahenda kazi phamwenga na amani.’

Isabu 6:26

Mwenyezi Mlungu akukubali, na akuphe amani.

Mathayo 1:23

“Lola, mwanamwali andagbwira mimba, adzivugule mwana mlume, naye andamuiha Imanueli, yani Mlungu a phamwenga naswi.”

Mathayo 28:20

mkaafundze alunge chila chitu nrichokulagizani. Hakika nami ndakala phamwenga namwi siku zosi, hadi mwisho wa dunia.”

Luka 2:14

“Naatogolwe Mlungu dzulu mlunguni, na atu ambao anamuhamira Mlungu naakale salama duniani!”

Johana 14:27

Nakurichirani amani yangu, nayo si dza hira ilaviwayo ni atu asiomkuluphira Mlungu. Msisononeke wala kukala aoga.

Johana 16:33

Enehu, nkakuambirani mambo higa, ili mkale na amani mwenu mioyoni kpwa sababu yangu. Himu duniani atu andakugayisani, ela dinani chilume! Mana mino náshinda dunia.”

Arumi 1:7

Phahi enehu hiko mudzi wa Rumi, Mlungu anakumendzani sana, naye wakutsambulani ili mkale atakatifue. Baba Mlungu na Bwana Jesu Masihi naakujaliyeni na mkale salama.

Arumi 15:33

Navoya Mlungu ariye chandzo cha amani, akale namwi mosi! Amina.

Arumi 16:20

Vivi sambi Mlungu ambaye ndiye chandzo cha amani andakushindirani Shetani na akupheni uwezo wa kumshinda. Nakuvoyerani Bwana Jesu Masihi akujaliyeni mosi.

1 Akorintho 14:33

mana Mlungu si Mlungu wa fujo, ela wa amani. Kama garivyo makundi gosi ga afuasi a Jesu,

2 Akorintho 13:11

Chimarigizo enehu, kpwaherini. Kuluphiro renu nariphere na mtiyane moyo. Mkale na nia mwenga na mkale salama, naye Mlungu wa mendzwa na amani andakala phamwenga namwi.

Aefeso 6:23

Enehu, Baba Mlungu na Bwana wehu Jesu Masihi naakujaliyeni amani, na mzidi kumkuluphira na kumendzana.

1 Athesalonike 3:11

Hunavoya Baba Mlungu mwenye na Bwana wehu Jesu ahutengezere njira ili hwedze vi sambi sambi.

1 Athesalonike 5:23

Mlungu arehaye amani akutengeni na chila aina ya uyi. Piya naarinde roho zenu, mioyo yenu na miri yenu ikale bila lawama yoyosi hadi Bwana wehu Jesu Masihi ndiphokpwedza.

2 Athesalonike 3:18

Nakuvoyerani Bwana Jesu Masihi akujaliyeni mosi.

2 Timothi 4:22

Navoya Mlungu akale phamwenga nawe, na akujaliyeni na mbazize mosi.

Filemoni 1:25

Bwana Jesu Masihi akujaliyeni mosi.

Aeburania 13:20

Sambi Mlungu wa amani na ambaye wamfufula Bwana wehu Jesu, naakutayarisheni kpwa chila chiricho chinono ili muhende mendzwaye. Tsona naakupheni uwezo wa kuhenda gamhamirago kpwa kuungana na Jesu Masihi. Iye ndiye mrisa mkpwulu wa mangʼondzi, kpwa sababu wadzilavya sadaka achifwa ili ahakikishe hicho chilagane chisicho na mwisho na mlatsowe. Kpwa hivyo naatogolwe hata kare na kare. Amina.

Aeburania 7:2

Naye Burahimu wahala seemu mwenga ya kumi ya vitu vyosi arivyophaha vihani achimupha Melikisedeki. Mana ya dzina hiri ni “Mfalume wa Haki.” Tsona anaihwa Mfalume wa Salemu, manage ni “Mfalume wa Amani.”

Aamuli 6:24

Chisha Gidioni wadzenga phatu pha kulavira sadaka, achiphaiha, Mwenyezi Mlungu ni amani. Hipho phatu pha kulavira sadaka hiko Ofura, mudzi wa Abiezeri, phachere phapho hadi rero.

Ruthi 2:4

Wakati anatsembwesa, Boazi naye hiyu chaa, anatsoloka kula Bethilehemu. Ariphofika achialamusa hinyo ahendie a kazi achiamba, “Mwenyezi Mlungu naakale phamwenga namwi,” Nao achiamba, “Mwenyezi Mlungu naakujaliye.”

1 Samueli 17:37

Mwenyezi Mlungu ariyenitivya na kombe za simba na za dubu, andanitivya na mkpwono wa Mfilisti hiyu.” Sauli achimuambira Daudi, “Phiya naye Mwenyezi Mlungu akale phamwenga nawe.”

1 Samueli 20:13

Ela napho baba akakusudiya kukuhendera mai na nisikuambire na kukuterya kuchimbira na ukale salama, phahi Mwenyezi Mlungu naanione. Nakuvoyera Mwenyezi Mlungu akale phamwenga nawe, dza arivyokala phamwenga na baba.