2 Akorintho 5:4 - Digo Bible

⁴ Kpwa mana wakati bado hucheresagala ndani ya vibanda vya hipha duniani, hunapiga hofwi kpwa kuremererwa sana. Si kukala hunalonda kuricha vibanda vyehu ambavyo nkubanangika, hata. Hulondaro ni husagale ndani ya nyumba zisizobanangika ili vira vibanangikavyo vimizwe tse ni uzima wa kare na kare.

2 Akorintho 5:4 ပူးပေါင်းရင်းမြစ်များ

Isaya 25:8

Iye andausa chifo hata kare na kare. Andaafuta matsozi atu osi, na aausire waibu atue duniani kosi, mana Mwenyezi Mlungu akagomba, naye andahenda vivyo.

Isaya 38:12

Nyumba yangu ikangʼolwa na kuhalwa dza hema ra mrisa. Uhai wangu nkaukuba dza mfumadzi akubavyo chitambaa, Mlungu akanikata dza chitambaa chikatwavyo kula kpwenye mbao ya kufumira naye kala ananimarigiza chila siku.

Arumi 8:23

Chisha phahi, si viumbe macheye viulavyo, ela hata sisi, huriohewa Roho Mtakatifu kutatiswa manono ndigophaha, naswi hunaula mwehu mioyoni. Mana hunagodza Mlungu ahuphe haki yosi ya kukala anae, yani kuhupha miri miphya yohulaga.

1 Akorintho 15:51

Phundzani nikuambireni siri ya ajabu ambayo Mlungu wahufwenurira. Swiswi tahundafwa hosi, ela hosi hundagaluzwa.

2 Akorintho 5:2

Hipha sambi swino hunaula hofwi huchiaza kpwa hamu kulu kuvwikpwa nyumba zehu za mlunguni.

2 Akorintho 5:3

Na hunaaza kuvwikpwa hivyo kpwa sababu tahundakala chitsaha, ela roho zehu zindakala na miri hiyo.

2 Petero 1:13

Naona ni vinono kpwangu mimi kpwenderera kukutambukizani maneno higa, wakati nchere moyo,