2 Akorintho 4:8 - Digo Bible

⁸ Tabu zikahuzunguluka chila uphande, ela tahushindwa tse. Mara nyinji tahumanya ra kuhenda, ela tahukata tamaa.

2 Akorintho 4:8 ပူးပေါင်းရင်းမြစ်များ

Zaburi 129:2

“Hangu ni barobaro maadui gangu ganigayisa sana, ela taakaweza kuniturya.

Zaburi 37:33

Ela Mwenyezi Mlungu kandamricha mwakpwe mikononi wala kandaricha mwenye haki ahukumiwe kukala ni mkosa ndiphoshitakiwa.

Misemo 14:26

Atu amuogophao Mwenyezi Mlungu ana kuluphiro ra kudina, na ana aho ana phatu salama pha kuchimbirira.

Misemo 18:10

Dzina ra Mwenyezi Mlungu ni ngome imara, atu a haki achirikuluphira andakala salama.

Isaya 40:31

Ela osi amukuluphirao Mwenyezi Mlungu andatiywa nguvu nyiphya, nao andauruka dzulu sana dza kozi, andazola wala taandaremwa, andanyendeka wala taandafwa purungire.”

Habakuki 3:17

Dzagbwe mitini taitsephula, na mizabibu taina matunda, dzagbwe mizaituni taivyarire na minda taina mavuno, dzagbwe vyaa tavina mangʼondzi wala tavina ngʼombe.

Johana 14:18

“Sindakurichani machiyenu dza anachiya, mana nindakuuyirani.

1 Akorintho 10:13

Takuna majaribu gogosi munagophaha isiphokala garatu ga kawaida ambago anadamu ayawenu nkuphaha. Naye Mlungu ni muaminifu, kandaruhusu mphahe majaribu ga kutsapa uwezo wenu. Ela mchijezwa, Mlungu andakuphani nguvu za kuvumirira ili mgavuke salama.

2 Akorintho 12:10

Phahi kpwa ajili ya Jesu ni razi kukala mnyonje, kuberwa, kugaya, kuteswa na kuphaha mashaka, mana ninaphokala mnyonje, ndipho nikalapho na uwezo.

2 Akorintho 6:12

Mendzwa yehu kpwenu taina chizuwizi, ela mwimwi munazuwiya mendzwa yenu kpwehu.

2 Akorintho 6:4

Ela kpwa chila njira hunaonyesa kukala hu atumishi kpweli a Mlungu. Mana hunavumirira sana mateso, tabu na wakati mgumu.

2 Akorintho 7:5

Mana huriphofika Makedonia, tahuyaphaha amani ama nafwasi ya kuoya. Hwakala na tabu chila phatu. Kondze ya kundi ra atu a Mlungu kpwakala na malumbano, na mwehu mioyoni kala hunayugbwa ni wuoga.

Agalatia 4:20

Naaza kala ni phamwenga namwi, na nikuambireni pore-pore. Ela kpwa sababu sipho, kpweli munanitiya wasiwasi sana.

1 Samueli 28:15

Alafu Samueli achimuuza Sauli, “Unaniyugirani? Kpwa utu wani ukanireha hiku?” Naye Sauli achijibu achiamba, “Mino nina tabu kulu kpwa kukala Afilisti ananipiga viha naye Mlungu akaniricha. Kanijibu tsona kpwa kutsupira manabii wala kpwa kutsupira ndoso. Ndio mana nkakuiha ili uniambire ra kuhenda.”

1 Samueli 30:6

Daudi wasononeka sana kpwa mana atu kala analonda kumpiga mawe kpwa sababu chila mutu kala ana utsungu wa anae a chilume na a chichetu. Ela Daudi wadzipha moyo kahi ya Mwenyezi Mlungu, Mlunguwe.

1 Samueli 31:4

Ndipho Sauli achimuambira mtsukuziwe wa silaha, “Tuluza upangao unidunge nao, sedze hinya atu asiodekpwa akanidunga na kunihenda akanigayisa.” Ela iye mtsukuziwe wa silaha warema, kpwa sababu waogopha sana. Phahi Sauli achihala upangawe, achiugbwerera.