2 Akorintho 4:16 - Digo Bible

¹⁶ Kpwa hivyo tahukata tamaa. Miri yehu inatsakala na kuphunguka mkpwotse, ela roho zehu, zinahendwa nyiphya chila siku.

2 Akorintho 4:16 ပူးပေါင်းရင်းမြစ်များ

Zaburi 119:81

Roho yangu ikaremwa kpwa kugodzera wokofuo, ela nikaika tumaini rangu kahi ya nenoro.

Zaburi 27:13

Naamini kukala nindaona unono wa Mwenyezi Mlungu kahi za tsi ya atu ario moyo.

Zaburi 51:10

Niumbira moyo swafi, ee Mlungu, na roho yangu uihende luphya na ya kuhurira.

Zaburi 73:26

Mwiri wangu na moyo wangu vinaweza kushindwa, ela Mlungu ndiye autiaye nguvu moyo wangu na ndiye mtalo wangu hata kare na kare.

Isaya 40:29

Mwenyezi Mlungu nkuatiya nguvu achioremwa na kuapha anyonje uwezo.

Isaya 40:31

Ela osi amukuluphirao Mwenyezi Mlungu andatiywa nguvu nyiphya, nao andauruka dzulu sana dza kozi, andazola wala taandaremwa, andanyendeka wala taandafwa purungire.”

Jeremia 45:3

Uwe waamba, ‘Shaka rani mino! Mana ye Mwenyezi Mlungu akaniengerezera sonono kahi ya shida nrizo nazo. Nikaremwa kuula wala siona baha.’

Luka 11:3

Chila siku huphe chakurya chehu cha kuhutosha.

Arumi 12:2

Msiige tsona mambo gahendwago ni atu a dunia hino, ela Mlungu akugaluzeni mwenu mioyoni mkale na maazo maphya. Hipho ndipho ndiphomanya hakika Mlungu amendzavyo; dzambo nono na ra sawa rimhamiraro.

Arumi 7:22

Shariya za Mlungu zinanihamira sana mwangu moyoni.

1 Akorintho 15:58

Kpwa hivyo enehu amendzwa, dinani chilume na msiyumbe-yumbe. Tsona mzidi kuhenda kazi ya Bwana Jesu, mchimanya kukala kazi yenu kpwa Bwana siyo ya bure.

2 Akorintho 12:15

Phahi nindahererwa kulavya nricho nacho na hata kudzilavya mi mwenye kpwa fwaida yenu. Dze, mundanimendza chidide kpwa vira mino nakumendzani sana? Hata, sivyo hivyo!

2 Akorintho 4:1

Phahi tahukata tamaa kpwa sababu Mlungu wahupha kazi hino kpwa mbazize.

Aefeso 3:16

Navoya Mlungu akutiyeni nguvu mioyoni kula kpwa hinyo utajiriwe wa ajabu kpwa uwezo wa Rohowe.

Aefeso 4:23

Phahi galuzani maazo genu gakale maphya.

Akolosai 3:10

Sambi muna tabiya nyiphya kabisa. Mlungu wakuphani maisha higa, na chila wakati anakuhendani muaze na kuhenda dza iye, ili mzidi kummanya kpwa kpweli.

Tito 3:5

Wahuokola, si kpwa sababu ya dzambo rorosi nono ra haki hurirorihenda, ela kpwa sababu ya mbazize. Wahuokola kpwa kuhutakasa huriphovyalwa mara ya phiri, na kpwa kuhupha maisha maphya kutsupira Roho Mtakatifu.

1 Petero 3:4

ela unono wenu ni uandzire ndani, urembo usioweza kubanangika wala kutsakala ambao ni kukala na moyo mnono na mpole. Huno ndio urembo urio na samani matsoni pha Mlungu.

1 Petero 4:14

Ichikala mundalaphizwa kpwa sababu mu afuasi a Jesu, manyani kukala mundajaliwa, mana ukulu wa Roho Mtakatifu undaonekana wazi kukala u phamwenga namwi.